அ. கலியுகத்தில் கடவுள் இருக்கிறார் என்று மனிதனை உணரச் செய்ய உதவும் சுலபவழி ஆரத்தியாகும். ‘கலியுகத்தில் பரவலாக எழும் கேள்வி, கடவுள் இருக்கிறாரா அல்லது இல்லையா என்பதே; இதற்கு விடை பகரும் வகையில், நமக்கு ஈஸ்வர தரிசனத்தைப் பெற்றுத் தரும் சுலப வழியாக ஆரத்தி விளங்குகிறது. ஆர்த்தியின் அர்த்தம் இறைவனை தீவிர ஆர்வத்தோடு கூப்பிடுவது என்பதே. அவ்வாறு ஒருவன் கூப்பிடுவானேயானால், தெய்வங்கள் தங்களுக்குரிய ரூபத்தோடு தரிசனம் கொடுப்பார்கள் அல்லது ஜோதிர்மயமான ரூபத்தில் காட்சி கொடுப்பார்கள்.
ஆ. தெய்வங்கள் ஸ்துதி பிரியர்கள் மற்றும் கருணை மிக்கவர்கள். அதனால் அவர்களின் ஸ்துதியான ஆரத்தியைச் செய்யும் பக்தர்களினால் அவர்கள் மகிழ்ச்சியடைகிறார்கள்.
இ. ஆரத்தியை இயற்றியவர்கள், உன்னத நிலையை அடைந்த மஹான்களானதால்,
அவர்களின் ஸங்கல்ப சக்தியால் ஆசீர்வாதத்தால், நமக்கு உலக முன்னேற்றம் மற்றும் ஆன்மீக முன்னேற்றம் ஏற்படுகிறது.
ஈ. பக்தி மார்க்கத்தில் ஈஸ்வரனிடம் பக்தி பாவத்தை விரைவில் ஏற்படுத்துவது அவசியமாகிறது. ஆரம்ப நிலையில் உள்ள ஸாதகனுக்கு, ரூபமில்லாத நிர்குண பரப்ரம்மத்தின் மேல் ஆன்மீக உணர்வு செலுத்துவது கடினமாயிருக்கிறது. இதற்கு மாறாக, ஸகுண ரூபமாக மனித ரூபமெடுத்து, இறைவன் தோன்றும் போது, அவனிடத்தில் ஒரு நெருக்கம் ஏற்படுகிறது. விரைவில் ஆன்மீக உணர்வும் தோன்றுகிறது. ஆரத்தி ஸகுண உபாசனையின் ஒரு சுலப வழியாகும்.
உ. ஆரத்தி சமயத்தில், தெய்வங்களின் மேலுள்ள ஆன்மீக உணர்வு அதிகமாகிறது. இதனால், இறையனுபூதி கிடைக்கிறது. இது தெய்வத்தின் மேல் உள்ள ச்ரத்தை அதிகமாக உதவுகிறது.
ஊ. ஆரத்தி சமயத்தில் இறை தத்துவம் அதிக செயல்பாடோடு இருப்பதால், இறைவனின் சக்தியும் சைதன்யமும் வந்தடைந்து, நன்மை விளைவிக்கிறது. அதனாலேயே, மற்ற எல்லா சமயங்களைக் காட்டிலும், ஆரத்தி சமயத்தில், கோவிலில் இருப்பது அதிக பலனைக் கொடுக்கிறது.
எ. ‘ஆரத்தி மூலமாக நிர்மாணமாகும் நாத அதிர்வலைகளால் ஜீவனை சுற்றியுள்ள வாயு மண்டலம் ஸாத்வீகமாக மாறி அந்த சூழல் தூய்மையாகிறது’
– ஒரு வித்வான் (திருமதி அஞ்ஜலி காட்கில் மூலமாக, 21.4.2005 இரவு 9.02).
ஆரத்தி ஆன்மீக உணர்வுபூர்வமாகவும் ஸாத்வீகமாகவும்
இருப்பதற்கு தேவையான விஷயங்கள்
ஆரத்தி செய்பவரின் ஆன்மீக உணர்வு
ஆரத்தியைப் பாடும்போது எந்த அளவிற்கு இறைவனிடம் ஆன்மீக உணர்வு அதிகமாக உள்ளதோ அந்த அளவிற்கு ஆரத்தி ஆன்மீக உணர்வுபூர்வமாக ஸாத்வீகமானதாக இருக்கும். அத்தகைய ஆரத்தி இறைவனிடம் விரைவில் சென்றடைகிறது.
வார்த்தைகளின் உச்சாரணம் மற்றும் உச்சரிக்கும் முறை
ஆரத்தியில் வார்த்தைகளின் உச்சாரணம், அவற்றை உச்சரிக்கும் வேகம், வார்த்தைகளை பிரித்தோ அல்லது சேர்த்தோ சொல்லும் முறை ஆகியவற்றைப் பொருத்தே அதன் ஸாத்வீகத் தன்மையும் சைதன்யமும் இருக்கும்.
ஆரத்தின் அர்த்தத்தைப் புரிந்து கொண்டு பாடுதல்
பெரும்பான்மை ஆரத்திப் பாடல்கள் உன்னத பக்தர்கள் அல்லது உயர்நிலை மகான்களால் இயற்றப்பட்டவை. சில சமயம் இவற்றின் அர்த்தத்தைப் புரிந்து கொள்வது கடினம். ஆனால் அர்த்தத்தைப் புரிந்து கொண்டு ஆரத்தியைப் பாடினால் இறைவனிடம் விரைவில் ஆன்மீக உணர்வு விழிப்படையும்.
தேவியின் ஆரத்தியை எவ்வாறு செய்வது?
ஆரத்தியைப் பாடும் சரியான வழிமுறை என்ன?
‘தேவியின் தத்துவம், அதாவது சக்தி தத்துவம் காக்கும் மற்றும் அழிக்கும் சக்தி ஆகிய இரண்டின் சங்கமமாகும். அதனால் தேவி ஆரத்தியின் வார்த்தைகளை குறைந்த த்வனியில் மத்யம வேகத்தில் ஆழ்ந்த ஆன்மீக உணர்வுடன் பாட வேண்டும்.
ஆரத்தி சமயத்தில் எந்த வாத்தியங்களை வாசிக்க வேண்டும்?
தேவி தத்துவம் சக்தி தத்துவத்தின் சின்னம் என்பதால் தேவியின் ஆரத்தியை சக்தி நிரம்பிய அதிர்வலைகளை நிர்மாணிக்கக் கூடிய தோல் வாத்தியங்களைக் கொண்டு மிருதுவாக வாசிக்க வேண்டும்.
ஆன்மீக உணர்வை விழிப்படையச் செய்ய உதவும் ஆரத்தி
‘ஸநாதனின்’ ஆன்மீக உணர்வுடைய அதாவது இறைவனின் இருப்பில் திட நம்பிக்கையுடைய ஸாதகர்கள் ஆரத்தியைப் பாடுவதாலும் வாத்தியங்களை மிகக் குறைந்த அளவே உபயோகித்ததாலும் இந்த ஆரத்தி ஆன்மீக உணர்வுபூர்வமாக உள்ளது. ஆரத்தியில் வார்த்தைகளை எவ்வாறு உச்சரிக்க வேண்டும், வார்த்தைகளைக் கூறும் வேகம் என்ன, எந்தெந்த வார்த்தைகளை தனியாக பிரித்து சொல்ல வேண்டும், எவற்றை சேர்த்து சொல்ல வேண்டும் என்ற விஷயங்களும் இதிலிருந்து தெரிந்து கொள்ளலாம். இந்த ஆரத்திகளைக் கேட்பதாலும், அதே முறையில் பாடுவதாலும் உங்களுக்கும் விரைவில் ஆன்மீக உணர்வு விழிப்படைவதற்கு உதவி கிடைக்கும். வாருங்கள் கேட்கலாம், ஸனாதன் ஸாதகர்களின் குரலில் ஆரத்தியை…
ஆரத்தியின் முழு வழிபாட்டு முறை
1. ஆரத்தியை ஆரம்பிக்கும் முன், மூன்று முறை சங்கநாதம் எழுப்ப வேண்டும் .
1 அ. சங்கை ஊதும் பொழுது தலையை சிறிது மேலுயர்த்தி, மன ஒருமைப்பாடு பெற வேண்டும்.
1 ஆ. கண்களை மூடி மேலேயிருந்து ஈச்வரனின் அழிக்கும் சக்தியை வரவழைத்து ஆவாஹனம் செய்கிறோம் என்ற உணர்வுடன் சங்கை ஊத வேண்டும்.
1 இ. ஸ்வாசத்தை நன்கு நிரப்பிக் கொண்டு, ஒரே மூச்சில் சங்கை ஊத வேண்டும்.
1 ஈ. சங்கநாதத்தை கீழ்ஸ்தாயியில் மெதுவாக ஆரம்பித்து உச்சஸ்தாயி வரை சென்று, அங்கேயே நிறுத்த வேண்டும்.
2. சங்கநாதத்திற்கு பிறகு ஆரத்தி பாடல்களைப் பாட ஆரம்பிக்க வேண்டும்.
‘ஈஸ்வரன் பிரத்யக்ஷமாக நம்முன்னே இருக்கிறான்; உள்ளார்ந்த பாவத்தோடு அவனை அழைக்கிறேன்’ என்ற உணர்வோடு ஆரத்தி பாடல்களைப் பாட வேண்டும்.
2 அ. அர்த்தத்தை மனதில் உள்வாங்கி, ஆரத்தி செய்ய வேண்டும்.
2 ஆ. ஆரத்தியின்போது ஆன்மீக சாஸ்திரப்படி சரியான உச்சாரணத்தோடு செய்ய வேண்டும்.
3. ஆரத்தியின் போது, கைகளினால் தாளமிட வேண்டும்.
3 அ. ஆரம்ப நிலையிலுள்ள ஸாதகர் தாளத்தை மிக மெதுவாகப் போட வேண்டும்.
3 ஆ. உயர்நிலையிலுள்ள ஸாதகர் தாளமிடாமல், மனதை உள்முகமாக திருப்ப முயற்சி செய்ய வேண்டும்.
4. ஆரத்தியின் போது, தாளத்தோடு கூட வாத்யமும் இசைக்கலாம்.
4 அ. மணியை ஒரு லயத்தோடு, சீரான முறையில், ம்ருதுவாக ஒலிக்கச் செய்யவும்.
4 ஆ. ஜால்ரா, ஹார்மோனியம், தபலா போன்ற வாத்தியங்களையும் சேர்த்து தாளலயத்தோடு ம்ருதுவாக ஒலிக்கச் செய்யவும்.
5. ஆரத்தியை வாயால் பாடிக்கொண்டே, ஆரத்தி தட்டை சுற்ற வேண்டும்.
5 அ. தெய்வங்களின் முன்பாக, ஆரத்தி தட்டை கடிகார முறைப்படி இடமிருந்து வலமாக முழுமையாக சுற்ற வேண்டும்.
5 ஆ. ஆரத்தியை, தெய்வங்களின் தலைக்கு மேல் போகும்படி சுற்றக் கூடாது. அதற்கு பதிலாக, அனாஹத சக்கரத்திலிருந்து ஆக்ஞா சக்கரம் வரையே சுற்ற வேண்டும்.
6. ஆரத்திக்குப் பின் ‘த்வமேவ மாதா’ என்ற பிரார்த்தனையைச் செய்யவும்
த்வமேவ மாதா ச பிதா த்வமேவ
த்வமேவ பந்து சகா த்வமேவ |
த்வமேவ வித்யா த்ரவிணம் த்வமேவ
த்வமேவ ஸர்வம் மம தேவதேவ ||
அர்த்தம் : நீயே என் தாய்; நீயே என் தந்தை; நீயே என் உறவினன்; நீயே எனக்குத் தோழன்; நீயே என் திவ்ய ஞானம்; நீயே என் உன்னத செல்வம்; தேவர்களுக்கெல்லாம் தேவனான என் தெய்வமே, நீயே எனக்கு யாதுமாகி உள்ளாய்!
7. ஜயகோஷத்திற்கு பிறகு ‘கற்பூரகௌரம்
கருணாவதரம்’ சொல்லி கற்பூர ஆரத்தி காண்பிக்க வேண்டும்
கற்பூர கௌரம் கருணா வதாரம்
ஸன்ஸார ஸாரம் புஜகேந்திர ஹாரம் |
ஸதாவஸந்தம் ஹ்ருதயார விந்தே
பவம் பவானிஸஹிதம் நமாமி ||
அர்த்தம் : கற்பூரத்தை ஒத்த சுத்த ஸ்படிக நிறமுடையவனே! என் வாழ்க்கையின் சாரமாக விளங்குபவனே! நாகங்களை மாலையாக அணிந்தவனே! என் இதய தாமரையில் சதாசர்வ காலமும் வீற்றிருப்பவனே! பவானி தேவியுடன் கூடிய உனக்கு என் நமஸ்காரங்கள்!
8. கற்பூர ஆரத்தியை க்ரஹித்துக் கொள்ள வேண்டும்
கற்பூர ஆரத்தியை இரு கைகளாலும் க்ரஹித்துக் கொண்டு, வலது கையை தலையின் மேல்புறத்திலிருந்து பின்புறமாக தடவ வேண்டும். (சில காரணங்களால் கற்பூர ஆரத்தி செய்ய முடியாத போது, நெய் தீப விளக்கின் மீது கையை வைத்து ஆரத்தியை க்ரஹித்துக் கொள்ள வேண்டும்)
8 அ. தெய்வத்திற்கு சரணாகதி உணர்வுடன் நமஸ்காரம் செய்யவும்.
8 ஆ. அதன் பிறகு பூஜை செய்பவர் தெய்வத்திற்கு பிரதக்ஷிணம் செய்ய வேண்டும்.
8 இ. பிறகு இரு கைகளிலும் மலர்களை ஏந்தி உபாசனை தெய்வத்தின் (உதா. ஸ்ரீகிருஷ்ணன் என்றால் ‘கிருஷ்ணாய வாசுதேவாய ஹரயே பரமாத்மனே…’) ஸ்லோகத்தை சொல்லவும்.
8 ஈ. ஆரத்திற்குப் பின்னர் கீழ்க்கண்ட ஸ்லோகத்தின் மூலமாக பிரார்த்தனை மற்றும் மன்னிப்பு வேண்டுதல் செய்யவும்.
ஆவாஹனம் ந ஜானாமி ந ஜானாமி தவார்ச்சனம் |
பூஜாம் சைவ ந ஜானாமி க்ஷம்யதாம் பரமேச்வர ||
மந்த்ரஹீனம் க்ரியாஹீனம் பக்திஹீனம் ஸுரேஷ்வர |
யத்பூஜிதம் மயா தேவ பரிபூரண ததஸ்து மே ||
அபராதஸஹஸ்ராணி க்ரியந்தே ஹர்நிஷம் மயா |
தாஸோயமிதி மாம் மத்வா க்ஷமஸ்வ பரமேச்வர ||
அர்த்தம் : உன்னுடைய ஆவாஹனம், அர்ச்சனை, பூஜை ஆகியவற்றை எப்படிச் செய்வது என்பது கூட எனக்குத் தெரியவில்லை. பூஜையில் ஏதாவது தவறு நேர்ந்தால் என்னை மன்னித்து விடு. ஹே தேவா, என்னிடம் மந்திரம், செயல்பாடு மற்றும் பக்தி ஆகியவை மிகவும் குறைவு. நான் செய்த ஆரத்தி மற்றும் பூஜையை நீயே பரிபூரணம் ஆக்கு. பகலிலும் இரவிலும் தெரிந்தோ தெரியாமலோ நான் ஆயிரக்கணக்கான தவறுகளை செய்கிறேன். என்னை உன் தாசனாக ஏற்றுக் கொண்டு மன்னித்து விடு.
8 உ. பிறகு தெய்வத்தின் ஜெயகோஷத்தை செய்ய வேண்டும்.
8 ஊ. பிறகு வலது கை நடுவிரலால் புருவமத்தியில் விபூதி (ஊதுபத்தியின் சாம்பல்) இட்டுக் கொள்ளவும்.
ஆரத்தி செய்யும்போது ஏக ஆரத்தியா அல்லது பஞ்சாரத்தியா எதை செய்ய வேண்டும்ஜ்?
பஞ்சாரத்தியை சுற்றுதல்
பஞ்சாரத்தி என்பது அநேகத்வத்தின் அதாவது சஞ்சல ரூப மாயையின் அடையாளம். ஆரத்தி செய்பவர் ஸாதனையின் ஆரம்ப நிலையில் உள்ள ஸாதகராக இருந்தால், (50%-க்கும் குறைவான ஆன்மீக நிலை உள்ளவர்) அவர் தேவிக்கு பஞ்சாரத்தியை சுற்றலாம்.
ஏக ஆரத்தியால் சுற்றுதல்
ஏக ஆரத்தி என்பது ஏகத்வத்தின் அடையாளம். ஆன்மீக உணர்வு கொண்ட மற்றும் 50%-க்கு அதிக ஆன்மீக நிலை கொண்டவர் தேவிக்கு ஏக ஆரத்தியை சுற்றலாம்.
ஆத்மஜோதியால் சுற்றுதல்
70% -க்கும் மேற்பட்ட ஆன்மீக நிலை உடையவர் மற்றும் வெளிப்படாத ஆன்மீக உணர்வைக் கொண்ட உன்னத ஜீவன் தன் ஆத்மஜோதியைக் கொண்டே தன்னுள் அந்தர்யாமியாய் உள்ள தேவிக்கு ஆரத்தி சுற்றலாம். ஆத்மஜோதியால் ஆரத்தி செய்வது என்பது ஏகத்வத்திலுள்ள ஸ்திர உணர்வின் அடையாளம்.
பல்வேறு தெய்வங்களின் உபாசனை செய்வதன் உள்ளர்த்தத்தைப் புரிந்து கொள்வதற்கும் தேவையான தகவல்களைத் தெரிந்து கொண்டு தெய்வங்களின் மீது ஆன்மீக உணர்வுடன் பக்தி செய்வதால் நமக்கு அதிக நன்மை ஏற்படுகிறது. தேவையான தகவல்களைத் தெரிந்து கொள்வதற்கு…
ஸனாதன் ஸன்ஸ்தாவின் ஆன்லைன் ஸத்சங்கங்களில் பங்கேற்றுக் கொள்ளுங்கள்!
Register here
காலை மற்றும் மாலை வேளைகளில் ஏன் ஆரத்தி செய்ய வேண்டும்?
‘சூரிய உதயத்தினால், இரவில் சுற்றுப்புற சூழலில் இருந்த ரஜோ தமோ அதிர்வலைகள் நாசமடைகின்றன. பிரம்மாண்டத்திலுள்ள தெய்வங்களின் தேஜ தத்துவ அதிர்வலைகள் வெளிப்பட ஆரம்பிக்கின்றன. அச்சமயத்தில், வெளிப்படும் காக்கும் சைதன்யத்தை (காக்கும் தெய்வீக சக்தி) வரவேற்பதற்காக, ஆரத்தி செய்ய வேண்டும். சூர்யாஸ்தமன சமயத்தில் சூழலில் ரஜ தம அதிர்வலைகள் அதிகமாகின்றன. இதற்கு சூர்யாஸ்தமன சமயத்தில் ரஜ-தம அதிர்வலைகளை நாசம் செய்வதற்காக, ஆரத்தியின் மூலம் தெய்வங்களின் அழிக்கும் சைதன்யத்தை ஆவாஹனம் செய்து வழிபட வேண்டும். அதனால், சூர்யோதயம் மற்றும் சூரிய அஸ்தமனம் ஆகிய இரண்டு நேரங்களிலும் ஆரத்தி செய்ய வேண்டும்.
சூர்யாஸ்தமன சமயத்தில் ஆரத்தி செய்வதன் சாஸ்திரம் என்ன ?
சூர்யாஸ்தமன சமயத்தில், சூர்ய கிரணங்களின் தேஜ தத்துவம் குறைந்து கொண்டே வருகிறது. இக்காரணத்தால், வாயு மண்டலத்தில் உள்ள ரஜ தம துகள்கள் அதிக பலம் பெற்று அந்த அதிர்வலைகளும் அதிகமாகின்றன. இந்த சூழ்நிலையை சாதகமாக்கிக் கொண்டு தீய சக்திகள், தங்களின் நடமாட்டத்தை அதிகரிக்கின்றன. இந்த ரஜ தம நிரம்பிய வாயு மண்டலத்தால், கஷ்டம் ஏற்படாதிருக்க ஆரத்தியின் மூலம் எழும்பும் நாத அதிர்வலைகளைக் கொண்டு தெய்வீக அதிர்வலைகளை ஆவாஹனம் செய்ய வேண்டும். பிரம்மாண்டத்தில் அச்சக்திகளை வரவழைப்பது அவசியமாகிறது. ஆரத்தியின் மூலமாக, வாயு மண்டலத்தில், சைதன்ய அதிர்வலைகள் அதிகரிப்பதால், கஷ்டம் தரக்கூடிய பிற அதிர்வலைகளின் சக்தி குறைகிறது. ஜீவனைச் சுற்றி பாதுகாப்பு கவசம் உருவாகிறது’.
– ஒரு வித்வான் (ஸத்குரு (திருமதி) அஞ்ஜலி காட்கில் மூலமாக 5.6.2005 மாலை 6.33)
ஆரத்தி சம்பந்தமான முழு விவரங்களையும் தெரிந்து கொள்ள நூலை வாங்கவும்!
கோவில் தரிசனம்
கோவில் தரிசனத்தின் சரியான முறை (முழு செயல்பாடு)
பிரார்த்தனையின் படிப்படியான நிலைகள்
பிரார்த்தனையில் நேரும் தவறுகள்
பிரார்த்தனை
பிரார்த்தனையின் முக்கியத்துவம்