‘கோபுர (டவர்) முத்திரை’ செய்து உடலிலுள்ள ஆவரணத்தைக் களையும் வழிமுறை

1.    கோபுர (டவர்) முத்திரை பற்றிய ஆய்வை ஸச்சிதானந்த பரபிரம்ம டாக்டர் ஆடவலே அவர்கள் விதைத்தார்

இரு கைகளின் நடு விரல்களை ஒன்றோடொன்று சேர்த்து, மணிக்கட்டை தலையின் இருபக்கங்களிலும் சாய்த்து வைத்து கோபுரத்தைப் போன்ற முத்திரையை செய்து காண்பிக்கும் ஸத்குரு டாக்டர் முகுல் காட்கில்

‘செப்டம்பர்  2018-ல் ஒரு நாள் ஒரு ஸாதகருக்கு பெரும் வயிற்று வலி ஏற்பட்டதால் நான் அவருக்காக நாமஜபம் மூலமாக உபாயம் செய்து கொண்டிருந்தேன். எந்த உடல் ரீதியான காரணமும் இல்லாமல் வெறும் தீய சக்திகள் அளிக்கும் கஷ்டத்தால் அவருக்கு பெரும் வேதனை வயிற்றில் ஏற்பட்டது; 3 மணி நேரம் உபாயம் செய்தும் கூட அவரது வேதனை சிறிதும் குறையவில்லை. இவ்விஷயம் பற்றி நான் ஸச்சிதானந்த பரபிரம்ம டாக்டர் ஆடவலே அவர்களிடம் கூறியவுடன் அவர் ஒரு நவீனமான ‘கோபுர (டவர்) முத்திரை’யை மணிபூரக சக்கரத்தில் வேதனை தீரும்வரை வைத்திருக்குமாறு கூறினார். அப்போது நான், அந்த ஸாதகரின் வேதனை குறைவதற்காக என் மணிபூரக சக்கரத்தின் முன்பாக இந்த முத்திரையை வைத்து நாமஜபம் செய்ய ஆரம்பித்தேன். இந்த முத்திரை செய்யும்போது என் மணிக்கட்டுகள் இரண்டையும் வயிற்றில் சாய்த்து வைத்துக் கொண்டேன். இவ்வாறு அரைமணி நேரம் உபாயம் செய்த பின்னர் அந்த ஸாதகரின் வேதனை முழுவதுமாக நீங்கியது. இது போன்று இந்த நவீனமான ‘கோபுர முத்திரை’யின் மகத்துவம் எனக்கு தெரிய வந்தது.

2.    உடல் மீது ஏற்பட்டுள்ள ஆவரண பட்டையை தூர விலக்குவதற்கு ‘கோபுர முத்திரை’யை உபயோகிக்கும் ஆய்வு  முதன்முதலில்  குருக்ருபையால் தோன்றியது

இரண்டாம் நாள் மீண்டும் அந்த ஸாதகரின் வயிற்றில் பெரும் வலி ஏற்பட்டது. அப்போது ‘அந்த ஸாதகரின் ஆக்ஞாசக்கரத்திலிருந்து மணிபூரக சக்கரம் வரை ஆவரண பட்டை வந்துள்ளது’ என்பது என் கவனத்திற்கு  வந்தது. இது போன்ற ஆவரணத்தை உணர்ந்தது இதுதான் முதல் தடவை. நான் அந்த ஆவரணத்தை கையை மடக்கி ஆவரணத்தைக் களையும் முறைப்படி செய்வதற்கு முயற்சி செய்தேன்; ஆனால் அது தூர விலகவில்லை. அப்போது ‘கோபுர முத்திரை’யை நாமஜபம் செய்து கொண்டே தலையிலிருந்து வயிறு வரை செய்யும்படி தெய்வம் எனக்குள் உணர்த்தியது. அதைப் போன்றே உபாயம் செய்த பிறகு பத்து நிமிடங்களில் ஆவரணம் தூர விலகியது, அந்த ஸாதகரின் கஷ்டமும் பெருமளவு குறைந்தது. அப்போது ஆவரணத்தைக் களைவதற்கு கோபுர முத்திரையை உபயோகிக்கும் ஆய்வு முதலில் தோன்றியது. குருதேவரின் அருளாலே இது நடந்தது.

3.    ‘கோபுர முத்திரை’யை உடலின் மீது சுழற்றுவதன் அவசியம்

முன்பெல்லாம் தீய சக்திகளால் உடலின் மீது ஆவரணம் ஏற்படும்போது அந்த ஆவரணம் ஒரு சக்கரத்தின் மீதோ அல்லது அதிகபட்சம் இரு சக்கரங்களின் மீதோ இருக்கும். ஆனால் இப்போது சூட்சும யுத்தத்தின் நிலை அதிகரித்துள்ளது. ஆறாம் அல்லது ஏழாம் பாதாளத்தின் மிக சக்தி வாய்ந்த தீய சக்திகள் தாக்குதல்கள் நடத்துகின்றன. அதனால் அவை உடலின் ஒன்றிரண்டு சக்கரங்களின் மீது ஆவரணம் உண்டாக்காமல் தலையிலிருந்து மார்புவரை அல்லது தலையிலிருந்து இடுப்புவரை ஆவரணம் உண்டாக்கி முறையே 4 சக்கரங்கள் (ஸஹஸ்ராரம் முதல் அனாஹதம் வரை) அல்லது 6 சக்கரங்கள் ( ஸஹஸ்ராரம் முதல் ஸ்வாதிஷ்டானம் வரை) ஆவரணத்தை நிரப்புகின்றன. அதோடு அவை உண்டாக்கும் ஆவரணம் மேலிருந்து கீழ்வரை அடுத்தடுத்து உள்ளன. இது அவற்றின் நிர்குண நிலையிலான தாக்குதல் ஆகும். அதனால் ‘கையை மடக்கி ஆவரணம் களையும் முறை’யினால் இதை நீக்க முடிவதில்லை. அதற்கு ‘கோபுர முத்திரையை’ உடலின் மீது சுழற்றும் முறையை உபயோகிக்க  வேண்டி உள்ளது.

4.    ‘கோபுர முத்திரையை’ உடலின் மீது சுழற்றும் வழிமுறை

இரு கைகளின் நடு விரல்களை ஒன்றோடொன்று சேர்த்து, மணிக்கட்டை தலையின் இருபக்கங்களிலும் சாய்த்து வைத்து கோபுரத்தைப் போன்ற முத்திரையை செய்து பின்பு இந்த முத்திரையை குண்டலினி சக்கரங்களில் (ஸஹஸ்ராரம் முதல் ஸ்வாதிஷ்டானம் வரை) மேலிருந்து கீழாக மற்றும் கீழிலிருந்து மேலாக இது போன்று 7-8 முறை சுழற்ற வேண்டும்.

5.    கோபுர முத்திரையை உடல் மீது சுழற்றும்போது நாமஜபம் செய்ய வேண்டியதன் அவசியம்

கோபுர முத்திரையை உடல் மீது சுழற்றும் முன்பு ‘பிராணசக்தி ஓட்ட உபாய வழிமுறை’ (உடல் மற்றும் உடலின் சக்கரங்கள் மீது விரல்களை சுழற்றி விரல்களிலிருந்து வெளிப்படும் பிராணசக்தி மூலமாக ஆன்மீக கஷ்டத்தைக் கண்டுபிடித்தல் மற்றும் உடலில் பிராணசக்தி ஓட்டத்திற்கு தடை ஏற்படுத்தும் ஸ்தானத்தையும் கண்டுபிடித்தல். அதன் பிறகு அந்த ஸ்தானத்தின் மீது தடையின் தீவிரத்திற்கேற்ப கைவிரல்களின் முத்திரை மற்றும் நாமஜபத்தைக் கண்டுபிடித்து அதன் மூலம் உபாயத்தை செய்தல்) மூலம் எந்த நாமஜபத்தை செய்ய வேண்டும் என்பதைக் கண்டுபிடிக்கவும். கோபுர முத்திரையை உடலில் மீது சுழற்றும்போது இந்த கண்டுபிடித்த நாமஜபத்தை செய்யவும்.  இவ்வாறு ஜபம் செய்வதால் இரு நடுவிரல்களும் ஒன்று சேரும் உச்சியில்  (கோபுர முத்திரையின் உச்சியில்) நாமஜப அதிர்வலைகள் இரு உள்ளங்கைகளில் பரவி பின் உடலுக்குள் பாய்கிறது. சக்கரங்களின் மூலமாக  உடலுக்குள் பரவுகிறது. நாமஜப அதிர்வலைகளால் உடலிலுள்ள ஆவரணம் நஷ்டமடைகிறது. அதனால் உடலில் அடுக்கடுக்காக உண்டான ஆவரணம் பங்கப்படுகிறது. கோபுர முத்திரையை உடலின் மீது 7-8 முறை சுழற்றுவதால் பெரும்பான்மையான ஆவரணம் நஷ்டமடைகிறது. மீதமுள்ள ஆவரணத்தை ‘கையை மடக்கி ஆவரணத்தை நீக்கும் வழிமுறையை (உடலின் மீது உருவான கஷ்டம் தரும் சக்தியின் ஆவரணத்தை இரு கைகளால் அள்ளி சேர்த்து பின் உடலுக்கு அப்பால் தூர வீசுதல்) உபயோகித்து தூர விலக்க முடியும்.’

–  (ஸத்குரு) டாக்டர் முகுல் காட்கில், பிஹெச்.டி., மகரிஷி ஆன்மீக பல்கலைகழகம், கோவா. (29.6.2023)

–