केवळ साधकांच्या सेवावृत्तीमुळे आणि हितचिंतकांमुळे सनातन संस्थेचे अन् हिंदू जनजागृती समितीचे कार्य चालते, हे लक्षात घ्या !

बर्‍याच जणांना वाटते सनातन संस्थेचे आणि हिंदू जनजागृती समितीचे प्रतिमास लाखो रूपये लागतील, एवढे कार्य होते कसे ? कार्य होण्यात काहीच गुपित नाही. सनातन संस्थेचे हजारो साधक सेवा म्हणून कार्य करतात. त्यातले काही जण आधुनिक वैद्य, वकील, अभियंता, संगणकतज्ञ इत्यादी आहेत. व्यवहारात असतांना त्यांना हल्लीच्या १ लाख रूपयांहूनही अधिक मासिक मिळकत होती. आता तेही सर्व सोडून साधक झाले आहेत. त्याशिवाय बरेच साधक उत्पादनांची आणि ग्रंथांची विक्री, सनातन प्रभातचे वितरण इत्यादी साधना म्हणून करतात. अशा रितीने साधक सेवा म्हणून कार्य करत असल्यामुळे ज्या सेवांसाठी प्रतिमास २ – ३ कोटी रूपये लागले असते, ते खर्च करावे लागत नाहीत. हितचिंतक देत असलेल्या देणग्यांमुळेही कार्य चालू ठेवणे सुलभ होते.
– डॉ. आठवले