रामनाथी (फोंडा), १२ जून (वार्ता.) – ‘जयतु जयतु हिंदु राष्‍ट्रम्’, ‘हर हर महादेव’, अशा जयघोषात येथील श्री रामनाथ देवस्‍थान, फोंडा, गोवा येथे दशम अखिल भारतीय हिंदु राष्‍ट्र अधिवेशनाला भावपूर्ण आणि उत्‍साही वातावरणात प्रारंभ झाला. हे अधिवेशन १८ जून पर्यंत चालणार असून विविध राज्‍यांतील ४५० प्रतिनिधी या अधिवेशनाला उपस्‍थित आहेत. अधिवेशनाचा प्रारंभ सनातन पुरोहित पाठशाळेतील श्री. अमर जोशी यांनी केलेल्‍या शंखनादाने झाला. यानंतर सनातन पुरोहित पाठशाळेचे सर्वश्री अमर जोशी आणि ईशान जोशी यांनी वेदमंत्रांचे पठण झाले. त्‍यानंतर हिंदु जनजागृती समितीचे मुंबईचे समन्‍वयक श्री. बळवंत पाठक यांनी श्री. अमर जोशी आणि श्री. ईशान जोशी यांचा सन्‍मान केला.
उपस्‍थित संत आणि मान्‍यवर यांचा सन्‍मान
या प्रसंगी व्‍यासपिठावर उपस्‍थित असलेले स्‍वामी संयुक्‍तानंद महाराज, निर्गुणानंद महाराज तथा सद़्‍गुरु श्री. नवनीतानंद (गुरुवर्य श्री. मोडक) महाराज, पू. (अधिवक्‍ता) हरि शंकर जैन आणि सद़्‍गुरु डॉ. चारुदत्त पिंगळे यांच्‍या शुभहस्‍ते दीपप्रज्‍वलन करण्‍यात आले. या प्रसंगी हिंदु जनजागृती समिती पुरस्‍कृत ‘भारतीय अर्थव्‍यवस्‍थेवरील नवे आक्रमण ‘हलाल जिहाद ?’ या मराठी आणि हिंदी भाषेतील ग्रंथाचे मान्‍यवरांच्‍या हस्‍ते प्रकाशन करण्‍यात आले. सोहळ्‍यात सनातनचे संत पू. प्रदीप घेमका यांनी स्‍वामी संयुक्‍तानंद महाराज यांचा सन्‍मान केला, तर निर्गुणानंद महाराज आणि सद़्‍गुरु श्री. नवनीतानंद (गुरुवर्य
श्री. मोडक) महाराज यांचा सन्‍मान हिंदु जनजागृती समितीचे धर्मप्रचारक संत पू. नीलेश सिंगबाळ यांनी, तसेच पू. (अधिवक्‍ता) हरिशंकर जैन यांचा सन्‍मान सनातनचे धर्मप्रचारक सद़्‍गुरु नंदकुमार जाधव यांच्‍या शुभहस्‍ते करण्‍यात आला. या प्रसंगी सनातन संस्‍थेचे संस्‍थापक परात्‍पर गुरु डॉ. जयंत आठवले यांनी दिलेल्‍या संदेशाचे वाचन सनातन संस्‍थेचे धर्मप्रचारक संत सद़्‍गुरु सत्‍यवान कदम यांनी केले.
‘दशम अखिल भारतीय हिंदु राष्‍ट्र अधिवेशना’त धर्मकार्य करणाऱ्या हिंदुत्वनिष्ठांच्या आध्यात्मिक प्रगतीच्या घोषणेने आनंदाचे वातावरण !
संत आणि धर्मवीर यांचा सन्‍मान
दशम अखिल भारतीय हिंदु राष्‍ट्र अधिवेशनाला उपस्‍थित हिंदुत्वनिष्ठांची रामनाथी, गोवा येथील सनातनच्या आश्रमाला भेट !
अत्यंत प्रतिकूल स्थितीत हिंदुत्वाचे कार्य धडाडीने करणारे थ्रिसूर (केरळ) येथील हिंदुत्वनिष्ठ पी.टी. राजू यांनी गाठली...
आपत्काळात हिंदु समाजातील सर्व घटकांनी एकत्र येऊन हिंदूंच्या रक्षणासाठी कार्य करायला हवे ! – अभय...
९ राज्‍यांतील ३६ जिल्ह्यांत आयोजित ‘हिंदु राष्‍ट्र अधिवेशनां’ना २ सहस्रांहून अधिक स्थानिक हिंदुत्वनिष्ठांचा सहभाग !...