वायूजीवशास्त्रज्ञांच्या अखिल भारतीय परिषदेत मांडण्यात आले ‘सनातन संस्थे’चे संशोधन !

वायूजीवशास्त्रज्ञांच्या (एअरोबायोलॉजीच्या) अखिल
भारतीय परिषदेत मांडण्यात आले ‘सनातन संस्थे’चे संशोधन !

पुणे – सनातनच्या साधकांना मिळणार्‍या नाविन्यपूर्ण अशा दैवी कणांविषयीचे सनातनच्या साधिका सौ. अंजली मुकुल गाडगीळ यांनी केलेले संशोधन आज भारतातील वायूजीवशास्त्र (एअरोबायोलॉजी) विभागाच्या मान्यताप्राप्त वैज्ञानिकांसमोर मांडण्यात आले. या शोधप्रबंधाचे इंग्रजी भाषेतून सादरीकरण डॉ. दुर्गेश सामंत यांनी केले. सनातन संस्थेच्या साधकांना ईश्वराच्या कृपेने दैवी कण मिळत आहेत. दैवी कण मिळणे, ही मानवजातीला सर्वप्रथमच प्रत्ययाला आलेली घटना आहे. हे दैवी कण सर्व समाज किंबहुना संपूर्ण पृथ्वीतलासाठी कसे लाभदायक आहेत, हेही या संशोधनाच्या प्रस्तुतीकरणात स्पष्ट करण्यात आले. प.पू. डॉ. आठवले यांच्या मार्गदर्शनानुसार हे संशोधन करण्यात आले आहे.

प.पू. डॉ. आठवले हे स्वतः आंतरराष्ट्रीय कीर्तीचे मानसोपचार आणि संमोहन उपचार यांचे तज्ञ आहेत. त्यांनी आतापर्यंत धर्म, साधना, समाजसाहाय्य, राष्ट्ररक्षण, धर्मजागृती आदी विषयांवर १६० ग्रंथ संकलित केले आहेत. पुणे येथे चालू असलेल्या ‘इंडियन एअरोबायोलॉजिकल सोसायटी’च्या १७ व्या परिषदेत देशभरातून आलेल्या विविध क्षेत्रांतील १७८ हून अधिक वैज्ञानिकांसमोर मांडण्यात आलेले हे संशोधन सर्वांच्या उत्सुकतेचा विषय बनले. ही परिषद पुणे येथील ‘महाराष्ट्र इन्स्टिट्यूट ऑफ टेक्नॉलॉजी’च्या (एम्.आय.टी.च्या) विवेकानंद सभागृहात आयोजित करण्यात आली आहे. ५.७.२०१२ या दिवशी प.पू. डॉ. आठवले यांना त्यांच्या हातावर सोनेरी दैवी कण दिसले. त्यांनी त्यांच्या हाताची त्वचा चोळल्यावर त्यांच्या त्वचेतून १५ – २० सोनेरी दैवी कण खाली पडले. त्याच रात्रीपासून साधकांच्या अंगावर, सनातन संस्थेच्या आश्रमांत आणि साधकांच्या घरीही दैवी कण मिळू लागले असल्याचे साधकांकडून समजले. एकूण आठ देशांतील आणि भारतातील बारा राज्यांतील शेकडो साधकांना दैवी कण मिळाले.

साधकांना मिळालेले दैवी कण म्हणजे नेमके काय आहेत, हे कळण्यासाठी दैवी कणांच्या चाचण्या मुंबईच्या ‘भाभा अ‍ॅटोमिक रिसर्च सेंटर (बीएआरसी)’मध्ये आणि मुंबईच्या ‘इंडियन इन्स्टिट्यूट ऑफ टेक्नॉलॉजी (आयआयटी)’ येथे करण्यात आल्या. या चाचण्यांनुसार दैवी कण हे ‘निरिंद्रिय पदार्थ (इनऑर्गॅनिक मॅटर)’ या प्रकारातील ‘अधातू (नॉनमेटल्स)’ आहेत. सोनेरी दैवी कण सोडून इतर सर्व रंगांच्या दैवी कणांमध्ये कार्बन, नायट्रोजन आणि ऑक्सिजन ही मूलद्रव्ये आहेत. सोनेरी दैवी कणांमध्ये कार्बन आणि ऑक्सिजन ही दोनच मूलद्रव्ये आहेत. दैवी कणांची सूत्रे (फॉर्म्युले) सध्या अस्तित्वात असलेल्या कोणत्याही कणांच्या सूत्रांशी मिळतीजुळती नाहीत. माती, वातावरण आणि शरीर यांतील घटकांच्या प्रमाणाची दैवी कणांतील घटकांच्या प्रमाणाशी तुलना करण्यात आल्यावर माती अन् वातावरण यांतील घटकांशी त्यांचे काहीही साधर्म्यनसून असलेच, तर त्यातल्यात्यात मानवी शरिरातील घटकांच्या प्रमाणाशी ते थोडेफार जुळते, हे स्पष्ट झाले आहे. दैवी कणांचा ‘लोलक चिकित्सा’ पद्धतीने अभ्यास केला असता या कणांमध्ये चांगली (पॉझिटिव्ह) शक्ती आहे, असे स्पष्ट झाले आहे. सौ. अंजली गाडगीळ यांनी त्यांना मिळणार्‍या दिव्य ज्ञानाच्या साहाय्याने केलेल्या संशोधनात दैवी कणांचा आकार, रंग, ते मिळण्याची वेळ यांनुसार त्यांचे कार्य कसे निरनिराळे असते, हे स्पष्ट केले आहे. दैवी कण मिळाल्याने ईश्वरावरील श्रद्धा दृढ होणे, मानसिक अस्वस्थता दूर होणे, प्राणशक्ती वाढणे, आध्यात्मिक त्रास दूर होणे, अशा प्रकारच्या अनुभूती साधकांना आल्या आहेत. दैवी कणांचे समष्टी स्तरावरील लाभ व्यापक स्तरावरील आहेत, उदा. दैवी कणांमधील तेजतत्त्वामुळे वातावरणातील रज-तम नष्ट होणे, वातावरण साधनेला पूरक बनणे इत्यादी.

क्षणचित्रे

१. शोध प्रबंध सादर केल्यानंतर डॉ. दुर्गेश सामंत यांचा डॉ. सुदाम जोगदंड यांनी तर सौ. अंजली गाडगीळ यांचा डॉ. तानाजी मोरे यांनी पुष्पगुच्छ देउन सत्कार केला.

२. अनेक वैज्ञानिकांनी या संशोधनाविषयी उत्सुकता दर्शवली.

३. परिषदेमध्ये सनातन संस्थेतर्फे तिने केलेले अध्यात्मशास्त्रातील विविधांगी संशोधन आणि अध्यात्मशास्त्र यांविषयी विवरण देणारे पत्रक वैज्ञानिकांना वाटण्यात आले. या पत्रकात अध्यात्मशास्त्रातील संशोधनाला विज्ञानाची जोड देऊन साहाय्य करण्याचे आवाहन करण्यात आले.

४. या वैज्ञानिक परिषदेमध्ये वैद्यकीय, औषधविज्ञान, पर्यावरण अशा विज्ञानाच्या विविध शाखांतील देशभरातील वैज्ञानिक उपस्थित आहेत.

५. परिषदस्थळी मांडण्यात आलेल्या सनातनच्या ग्रंथ प्रदर्शनाचा अनेक वैज्ञानिकांनी लाभ घेतला. त्यांना दैवी कण असलेल्या वस्तू प्रत्यक्ष बघायला ठेवण्यात आल्या होत्या.

६. शोधप्रबंध सादर करण्याचा कार्यक्रम निर्विघ्नपणे पार पडावा, यासाठी सनातनच्या रामनाथी, गोवा येथील आश्रमात प्रत्येक १५ मिनिटांनी साधक भगवान श्रीकृष्णाच्या चरणी प्रार्थना करत होते.

पुणे येथे आयोजित ‘इंडियन एअरोबायोलॉजिकल
सोसायटीच्या’ १७ व्या परिषदेत ‘सनातन संस्थे’ चे ग्रंथ आणि दैवी कणांच्या
वस्तू यांचे प्रदर्शन बघून वैज्ञानिकांनी व्यक्त केलेल्या प्रतिक्रिया आणि क्षणचित्रे !

१. ‘दैवी कणां’विषयीच्या प्रतिक्रिया

१ अ. डॉ. डी.एन्. पाटील, जीवशास्त्राचे प्राध्यापक, बी.जे.एस्. महाविद्यालय, वाघोली, पुणे

‘दैवी कणांविषयीचे तुमचे निरीक्षण भारतातील विज्ञान शाखेला मोठे योगदान देईल !’

१ आ. कु. दीपा कृष्णमूर्ती, प्राध्यापिका, एम्.ए.सी.एस्. महाविद्यालय (‘एम्.आय.टी.’शी संलग्न असलेली संस्था), पुणे

‘अध्यात्माचे शास्त्रीय भाषेतील स्पष्टीकरण मला मिळाले. मला या ‘दैवी कणां’विषयी जाणून घ्यायला आवडेल.’

१ इ. डॉ. एस्. देबनाथ, सूक्ष्मजीवशास्त्रज्ञ, जोरहात, आसाम

‘दैवी कण’ या विषयावर संशोधन करायला हवे. हा अतिशय जिज्ञासा वाढवणारा विषय आहे. याच्या संशोधनातून नक्कीच चांगले निष्कर्ष निघतील.’

१ ई. डॉ. ए.एच्. राजासाब, पदव्युत्तर शिक्षण आणि संशोधन विभागप्रमुख (वनस्पतिशास्त्र (बॉटनी)), गुलबर्गा, कर्नाटक

‘दैवी कण’ हा विषय चांगला आहे. आपण त्यावर संशोधन करूया.’

१ उ. अनुराधा जपे-कुलकर्णी, प्राध्यापिका, यशवंतराव मोहिते महाविद्यालय, भारती विद्यापीठ, पुणे.

‘दैवी कणांचा विषयच ‘दैवी’ आहे. याचे संशोधन योग्य व्यक्तींनीच करायला हवे आणि ते श्रद्धा ठेवून करायला हवे. मला याविषयी संशोधन करायला आवडेल. तुम्ही दैवी कणांसंदर्भात दिलेल्या सर्व माहितीचा मी अभ्यास करीन.’

१ ऊ. डॉ. सुरेखा काटकर, वनस्पतीशास्त्र (बॉटनी) विभागप्रमुख, ‘इन्स्टिट्यूट ऑफ सायन्स’, नागपूर

‘आम्ही ‘दैवी कण’ या विषयावर संशोधन करू. हा विषय अतिशय जिज्ञासा वाढवणारा आहे. अध्यात्म आणि विज्ञान एकत्र आले, तर अखिल मानवजातीचे कल्याण होईल.’

२. सनातन संस्थेच्या ग्रंथांविषयीच्या प्रतिक्रिया

२ अ. प्रा. सचिन गुंजाळ, औषधनिर्माणशास्त्र महाविद्यालय (‘फार्मसी कॉलेज’), एम्.आय.टी., पुणे

‘भारतीय संस्कृतीविषयीचे सनातन संस्थेच्या ग्रंथांतील ज्ञान अमूल्य आहे. मला अभ्यास करायला त्यांतील माहितीचा पुष्कळ उपयोग होतो.’

२ आ. प्रा. अशोक जैन, संचालक, ‘इन्स्टिट्यूट ऑफ इथर्नोबायोलॉजी’, ग्वाल्हेर, मध्यप्रदेश

‘सनातन संस्थेचे ग्रंथप्रदर्शन सर्वोत्तम आहे. आपले पूर्वज आणि ऋषीमुनी यांनी जे ज्ञान उपलब्ध करून दिले आहे, त्याची आठवण मला तुमचे ग्रंथप्रदर्शन बघून झाली. हे ज्ञान आपले आयुष्य चांगल्या पद्धतीने व्यतीत करण्यासाठी उपयुक्त आहे.’

३. सनातन संस्था आणि तिचे साधक यांच्या विषयीच्या प्रतिक्रिया

३ अ. डॉ. सतीश भालेराव, विभाग प्रमुख, पर्यावरण शास्त्र आणि जीवशास्त्र (‘एन्व्हायमेंटल सायन्स अ‍ण्ड बायोलॉजी’), विल्सन महाविद्यालय, मुंबई

१. ‘सनातन संस्थे’च्या प्रत्येक साधकाच्या मुखावर वेगळे तेज दिसते.

२. मी सनातनचे ग्रंथ आणि दैवी कण आढळलेल्या वस्तू यांच्या प्रदर्शनाजवळून गेल्यावर मला सुगंध आला.

३. सनातनच्या प्रत्येक गोष्टीत सात्त्विकता आहे.

४. सनातनच्या साधकांना सापडलेले दैवी कण हे १०० टक्के दैवी आहेत.

३ आ. डॉ. जी.इ. सालेवा, वनस्पतिशास्त्र विभाग (‘बॉटनी डिपार्टमेंट’), गौहत्ती विद्यापीठ, गौहत्ती, आसाम

१. ‘तुम्ही अध्यात्माकडे वैज्ञानिक दृष्टीकोनातून पहात आहात, ही उत्कृष्ट गोष्ट आहे.

२. तुम्हा साधकांच्या भोवती मला वलय (‘ऑरा’) दिसत आहे.

३. मी तुमचे ग्रंथ आणि दैवी कणांच्या वस्तू यांच्या प्रदर्शनाकडे आकर्षित झालो.’

३ इ. डॉ. प्रकाश बाविस्कर, उपप्राचार्य, चाळीसगाव शिक्षणसंस्थेचे महाविद्यालय, चाळीसगाव

‘सनातन संस्था हिंदु धर्म / वैदिक संस्कृती याच्या पुनरुत्थानासाठी करीत असलेले कार्य स्तुत्य आणि अभिनंदनीय आहे. आपण आपले शास्त्रशुद्ध आणि धार्मिक अस्तित्व समाजापुढे आणलेच पाहिजे. अंधश्रद्धेशिवाय श्रद्धेय आणि शास्त्रीय असे आपल्या धर्मात बरेच काही आहे. आज पाश्चात्त्य आपल्या धर्मशास्त्राविषयी आपल्यापेक्षा जास्त बोलतात, अभ्यासतात आणि स्वीकारतात. आपण मात्र आपलेच धार्मिक अस्तित्व मानायला सिद्ध नाही; परंतु सनातन संस्थेचा हा उपक्रम स्तुत्य आहे. त्यासाठी शुभेच्छा !’

विद्यार्थ्यांनी व्यक्त केलेल्या प्रतिक्रिया

१. कु. पूजा सिंग, विद्यार्थिनी, एम्.सी.ए., एम्.आय.टी., पुणे

‘पुष्कळ दिवसांनी आवडीचा विषय ऐकायला मिळाला. दैवी कणांच्या शोधनिबंधाचे सादरीकरण खरोखरच चांगले होते. त्यामुळे खोलात जाऊन या विषयाचा विचार करण्यास भाग पडत आहे.’

२. श्री. प्रतीक म्हात्रे, विद्यार्थी, एम्.सी.ए., एम्.आय.टी. पुणे

‘दैवी कणांविषयीची माहिती आम्ही समजून घेतली. या कणांवर संशोधन व्हायला हवे. त्यांच्या उत्पत्तीचे कारण आपण शोधून काढू शकलो, तर आपण जगापुढे संशोधनाचे चांगले उदाहरण ठेवू शकतो.’

‘सनातन संस्थे’च्या वतीने दैवी कणांविषयी शोधनिबंध
सादर झाल्यावर त्याविषयी शास्त्रज्ञ डॉ. सुदाम जोगदंड यांनी काढलेले उद्गार !

वायूजीवशास्त्रज्ञांनो, दैवी कणांविषयी संशोधन करा !

‘सनातन संस्थे’च्या एका सत्संगाच्या कार्यक्रमाच्या वेळी, कार्यक्रमाच्या एक दिवस आधी, कार्यक्रमाच्या दिवशी आणि कार्यक्रमाच्या एक दिवसानंतर, असे तीन दिवस आम्ही हवेचे नमुने घेऊन प्रयोग केले. सत्संगाच्या वेळी इतर दिवसांपेक्षा अधिक प्रमाणात दैवी कण सापडले. प्रत्येक दैवी कणाच्या भोवती एक प्रकारची ऊर्जा असून त्यांच्या भोवती वलय जाणवते. या दैवी कणांच्या परिणामस्वरूप उत्साहात वाढ होते, तसेच कार्य करण्याची क्षमताही वाढते. ‘या दैवी कणांचा स्त्रोत काय आहे, त्याचे प्रसारण कोठून होते, वहन कसे होते, ते कशाप्रकारे आढळतात आणि त्यांचा परिणाम काय होतो, यांविषयी वायूजीवशास्त्रज्ञांनी संशोधन करावे’, असे मी त्यांना आवाहन करतो. एका सहकारी शास्त्रज्ञांना मी ही बाब सांगितली. ते घरी जाऊन त्यांच्या पत्नीला ही बाब सांगत असतांना त्यांच्या पत्नीला त्या शास्त्रज्ञांच्या अंगावर दैवी कण आढळून आले. माझ्या घरातील शयनकक्षात, शयनकक्षातील गादीवर, तसेच स्वयंपाकगृहातही दैवी कण आढळून आले. विज्ञान आणि अध्यात्म यांची सांगड घालणे आवश्यक आहे. ‘दैवी कणांच्या शोधनिबंधाचे सादरीकरण’ हा या परिषदेचा महत्त्वाचा भाग होता. याच्यावर शास्त्रज्ञांनी संशोधन करावे. मला असा विश्वास वाटतो की, एके दिवशी वायूजीवशास्त्रज्ञ ‘सनातन संस्थे’ला या दैवी कणांविषयीच्या माहितीची उकल करून सांगतील.’

दैवी कण आणि त्यांचे अध्यात्मशास्त्रदृष्ट्या विश्लेषण हे अंधश्रद्धा नव्हेत, हे लक्षात घ्या !

‘दैवी कणांविषयी शोधप्रबंध सादर करणारे सनातन संस्थेचे साधक डॉ. दुर्गेश सामंत यांनी एम्.डी. (मेडिसिन) पर्यंत, तर सौ. अंजली गाडगीळ यांनी एम्.एस्सी. (पेशी जीवशास्त्र (सेल बायोलॉजी)) पर्यंत शिक्षण पूर्ण केले आहे. त्यामुळे ते अंधश्रद्धाळू नाहीत. त्यांनी काया, वाचा, मन, बुद्धी साधनेद्वारे शुद्ध करून दैवी कणांचे निरीक्षण आणि विश्लेषण केले आहे.’- डॉ. सुदाम जोगदंड , शास्त्रज्ञ, वनस्पतीशास्त्र विभाग, यशवंतराव मोहिते महाविद्यालय, पुणे.

विशेष क्षणचित्रे

१. दैवी कणांविषयी शोधनिबंध सादर झाल्यानंतर अनेक विद्यार्थ्यांनी दैवी कणांसंदर्भातील प्रदर्शनकक्षाला भेट दिली आणि त्याविषयी जिज्ञासेने जाणून घेतले.

२. दैवी कणांच्या प्रदर्शनकक्षाला भेट दिलेल्या एका विद्यार्थिनीने दैवी कणांविषयीचा प्रबंध सादर करणारे सनातन संस्थेचे साधक डॉ. दुर्गेश सामंत यांच्या सदर्‍यावर दैवी कण असल्याचे दाखवले.

३. प्रतिक्रियांचे वृत्त भ्रमणसंगणकावर सिद्ध करत असतांना त्या भ्रमणसंगणकावर ३ दैवी कण आढळले.