धर्माधिष्ठित हिंदु राष्ट्र का हवे ?

हिंदु राष्ट्र : विश्‍वकल्याणार्थ कार्यरत सत्त्वगुणी लोकांचे राष्ट्र !

जगात ख्रिस्त्यांची १५७, मुसलमानांची ५२, बौद्धांची १२, तर ज्यूंचे १ राष्ट्र आहे. हिंदूंचे राष्ट्र या सूर्यमंडळात कोठे आहे ?

हिंदु समाज, राष्ट्र आणि धर्म यांची वर्तमान दुःस्थिती !

आज हिंदुस्थानात धर्मनिरपेक्षतेच्या नावाखाली राज्यकर्ते हिंदु धर्मावरील संकटे आणि हिंदु धर्मियांवरील अत्याचार यांकडे दुर्लक्ष करत आहे. तसेच हिंदु धर्माला राजाश्रय नसल्याने समाज, राष्ट्र आणि हिंदु धर्म यांचे वेगाने अधःपतन होत आहे. परिणामी भारत हे समस्याप्रधान, नीतीहीन आणि असुरक्षित राष्ट्र बनले आहे.

हिंदूंच्या सर्व समस्यांवरील उपाय : हिंदु राष्ट्र !

सिंधचा राजा दाहीर, देहलीचा सम्राट पृथ्वीराज चव्हाण, राणा संग, महाराणा प्रताप, विजयनगरचे कृष्णदेवराय, छत्रपती शिवाजी महाराज, महाराणी लक्ष्मीबाई, राजा कुंवरसिंह इत्यादी सर्व राजपुरुषांचे ध्येय हिंदु राज्य स्थापणे, हेच होते. आपणही राष्ट्र अन् धर्म यांवरील एकेका संकटाचा प्रतिकार करण्यापेक्षा सर्व संकटांचा समूळ नाश करणारे धर्माधिष्ठित हिंदु राष्ट्र स्थापायला हवे !

स्वातंत्र्योत्तर काळात वैयक्तिक आणि कुटुंबाचे सुख यांपलिकडील राष्ट्र-धर्मविषयक दृष्टीकोन हिंदूंना न शिकवल्यामुळे देशाची सर्वच क्षेत्रांत परमावधीची अधोगती झाली आहे. यावर उपाय एकच आणि तो म्हणजे हिंदु राष्ट्राची स्थापना !

– प.पू. डॉ. आठवले

हिंदु राष्ट्र-स्थापनेसाठी स्वक्षमतेनुसार योगदान द्या !

१. हिंदु राष्ट्र-स्थापनेसाठी कार्यरत संघटनांच्या उपक्रमांत प्रतिदिन १ तास तरी सहभागी व्हा !

२. हिंदु राष्ट्र-स्थापनेसाठी कार्यरत व्यक्ती आणि संघटना यांना यथाशक्ती अर्थसाहाय्य करा !

३. हिंदु राष्ट्र-स्थापनेचा विचार प्रसारमाध्यमे आणि संकेतस्थळे यांद्वारे प्रसारित करा !

४. हिंदु राष्ट्राची स्थापना या विषयावर जाहीर व्याख्याने आणि परिसंवाद आयोजित करा !