ಲಾವಂಚದ ಚೂರ್ಣ

ಲಾವಂಚದ (ಲಾಮಂಚ) ಚೂರ್ಣ

ಅ. ಗುಣಧರ್ಮ ಮತ್ತು ಆಗಬಹದಾದ ಉಪಯೋಗ

ಈ ಔಷಧಿ ತಂಪು ಗುಣಧರ್ಮವನ್ನು ಹೊಂದಿದ್ದು, ಪಿತ್ತ ಹಾಗೂ ಕಫನಾಶಕವಾಗಿದೆ. ರೋಗಗಳಲ್ಲಿನ ಇದರ ಉಪಯೋಗವನ್ನು ಮುಂದೆ ಕೊಡಲಾಗಿದೆ; ಆದರೆ ಪ್ರಕೃತಿ, ಪ್ರದೇಶ, ಋತು ಮತ್ತು ವ್ಯಕ್ತಿಗಿರುವ ಇತರ ರೋಗಗಳಿಗನುಸಾರ ಉಪಚಾರದಲ್ಲಿ ಬದಲಾವಣೆ ಆಗಬಹುದು. ಆದ್ದರಿಂದ ಔಷಧಿಯನ್ನು ವೈದ್ಯರ ಸಲಹೆಗನುಸಾರವೇ ತೆಗೆದುಕೊಳ್ಳಬೇಕು.

ಉಪಯೋಗ	ಔಷಧಿಯನ್ನು ಸೇವಿಸುವ ಪದ್ಧತಿ	ಅವಧಿ
1. ಉಷ್ಣತೆಯ ರೋಗ (ಉಷ್ಣ ಪದಾರ್ಥಗಳು ಸೇರದಿರುವುದು ಬಾಯಿಯಲ್ಲಿ ಹುಣ್ಣಾಗುವುದು, ಮೈಯಲ್ಲಿ ಉರಿಯಾಗುವುದು, ಮೂತ್ರನಾಳದಲ್ಲಿ ಉರಿ, ಮೈಮೇಲೆ ಗುಳ್ಳೆಗಳಾಗುವುದು, ತಲೆ ಸುತ್ತುವುದು ಇತ್ಯಾದಿ)	ಬೆಳಿಗ್ಗೆ ಬರಿಹೊಟ್ಟೆಯಲ್ಲಿ 1 ಚಮಚ ಲಾವಂಚದ ಚೂರ್ಣ 1 ಕಪ್ ಹಾಲು ಮತ್ತು 1 ಚಮಚ ಕಲ್ಲುಸಕ್ಕರೆಯ ಮಿಶ್ರಣದೊಂದಿಗೆ ಸೇವಿಸಬೇಕು. ಈ ಔಷಧಿ ಸೇವಿಸಿದ ಬಳಿಕ ಸಾಧಾರಣ 1 ಗಂಟೆಯವರೆಗೆ ಏನನ್ನೂ ತಿನ್ನಬಾರದು-ಕುಡಿಯಬಾರದು.	7 ದಿನ
2. ಹೊಟ್ಟೆ ತೊಳೆಸಿದಂತಾಗುವುದು, ವಾಂತಿ, ಬೇಧಿಯಾಗುವುದು ಮತ್ತು ಮಲದೊಂದಿಗೆ ರಕ್ತ ಬೀಳುವುದು	ಲಾವಂಚ ಚೂರ್ಣ, ಕೊರನಾರಿಗೆಡ್ಡೆಯ ಚೂರ್ಣ, ಕೊತ್ತಂಬರಿ ಪುಡಿ ಮತ್ತು ಬಡಿಸೋಪಿನ ಪುಡಿಯನ್ನು ಸಮಪ್ರಮಾಣದಲ್ಲಿ ಬೆರೆಸಬೇಕು. ಇದರ 1 ಚಮಚ ಔಷಧಿಯನ್ನು ದಿನದಲ್ಲಿ 3-4 ಸಲ 1 ಬಟ್ಟಲು ಬಿಸಿನೀರಿನೊಂದಿಗೆ ಸೇವಿಸಬೇಕು.	3 – 4 ದಿನ
3. ಜ್ವರ	ದಿನದಲ್ಲಿ 3-4 ಸಲ ಕಾಲು ಚಮಚ ಲಾವಂಚದ ಚೂರ್ಣವನ್ನು 1 ಬಟ್ಟಲು ಬಿಸಿನೀರಿನೊಂದಿಗೆ ಸೇವಿಸಬೇಕು.	3 – 4 ದಿನ
4. ಬೇಸಿಗೆಯ ದಿನಗಳಲ್ಲಿ ಉಷ್ಣತೆಯ ಸಮಸ್ಯೆಗಳು ಆಗಬಾರದೆಂದು	ಪ್ರತಿ 1 ಲೀಟರ್ ಕುಡಿಯುವ ನೀರಿನಲ್ಲಿ ಅರ್ಧ ಚಮಚದಷ್ಟು ಪ್ರಮಾಣದಲ್ಲಿ ಲಾವಂಚದ ಚೂರ್ಣವನ್ನು ಹಾಕಿಡಬೇಕು. ಬಾಯಾರಿಕೆ ಆದಾಗಲೆಲ್ಲ ಈ ನೀರನ್ನು ಸೇವಿಸಬೇಕು.	ಬೇಸಿಗೆ ಮತ್ತು ಶರದ್‌ಋತು (ಅಕ್ಟೋಬರ್ ಬಿಸಿಲು)