मला गुरुदेवांना भेटण्याची संधी मिळाली. तेव्हा गुरुदेव मला म्हणाले, ‘‘तुम्हाला भेटल्यावर ‘तुमचे मन स्थिर आणि शांत झाले आहे’, असे माझ्या लक्षात आले. तुमची कुंडलिनी जागृत झाली आहे. त्यामुळे तुमचे मन शांत अन् स्थिर झाले आहे.’’ त्यांचे हे बोल म्हणजे गुरुदेवांकडून मला मिळालेला आशीर्वाद आहे.

सनातनचे १७ वे संत पू. उमेश शेणै यांचा साधनाप्रवास वाचतांना त्यांची मागील अनेक जन्मांची साधना असल्यामुळे ‘त्यांना लहान वयापासूनच साधनेची ओढ आणि तळमळ होती’, हे लक्षात येते. त्यांना भेटलेल्या सर्व संतांविषयी आणि परात्पर गुरु डॉ. आठवले यांच्याविषयी त्यांच्या मनात असलेला अपार भाव लक्षात येतो.