यात आपण नामजप, आरती, स्तोत्र, पाळणा अन्य बरेच काही ऐकू शकता. नामजप, आरती आदी म्हणतांना शब्दांचे योग्य उच्चार, देवतेला आळवणे, आर्तभाव आदी गोष्टी अधिकारी व्यक्तींकडून शिकाव्या लागतात. सध्या धकाधकीच्या जीवनात तसे करणे शक्य नसते, त्यामुळे येथे भाव असणार्‍या साधकांनी, संत वा अधिकारी व्यक्तींच्या मार्गदर्शनाखाली म्हटलेले ऑडिओ उपलब्ध केले आहेत. यानुसार म्हणण्याचा प्रयत्न केल्याने आध्यात्मिक उन्नतीस चालना मिळेल, तसेच वातावरण सात्त्विक होण्यास साहाय्य होईल.
आध्यात्मिक स्तरावर महाशिवरात्री व्रत शिकवणारा महाशिवरात्री विशेष भक्तीसत्संग !
Audio Player
महाशिवरात्रीच्या निमित्ताने शिवभक्त शिवाला प्रसन्न करण्यासाठी सर्वतोपरी प्रयत्न करतात. उपासना, व्रते करतात. या दिवशी सर्व शिवमंदिरांमध्ये भाविकांची गर्दी होते. शिवालयात ‘हर हर महादेव !’ असा नाद घुमत असतो. शिवभक्त महाशिवरात्र उत्साहात साजरी करतात. सर्व जण शिवभक्तीत तल्लीन होतात. अशा या दिव्य महाशिवरात्रीच्या निमित्ताने आपल्या अंतरातील शिवभक्ती वृद्धींगत होण्यासाठी श्रीसत्रशक्ति (सौ.) बिंदा सिंगबाळ यांच्या चैतन्यदायी वाणीतील या भक्तीसत्संगाचे भावपूर्ण श्रवण करूया. त्याद्वारे भगवान शिवाला भक्तीरूपी बिल्वार्चना करून त्याची आराधना करूया !
या विशेष भक्तीसत्संगात जाणून घेऊया –
१. महाशिवरात्रीचा आध्यात्मिक अर्थ !
२. महाशिवरात्री व्रत कथा : शिकाऱ्याकडून नकळतपणे झालेल्या महाशिवरात्री व्रतामुळे प्रसन्न झालेल्या भगवान शिवाने त्याला मोक्ष देणे !
३. भगवान शिवाला बिल्व अर्पण करण्याचे महत्त्व, बिल्वासंबंधी कथा !
४. पंचतत्त्वांचे प्रतिनिधित्व करणाऱ्या दक्षिण भारतातील ५ शिवमंदिरांचे माहात्म्य !
प्रभु श्रीरामांच्या चरणस्पर्शाने पावन झालेल्या तीर्थराज प्रयागचे महात्म्य सांगणारा महाकुंभ विशेष भक्तीसत्संग ! (भाग ३)
Audio Player
प्रभु श्रीराम, लक्ष्मण अन् सीता वनवासाला निघाले असतांना तीर्थराज प्रयाग येथे आले होते. त्या वेळी प्रभु श्रीरामांनी तीर्थराज प्रयागचे दर्शन घेऊन त्याचे महात्म्य त्या वेळी लक्ष्मण आणि सीता यांना कथन केले. भगवान विष्णूंचा अवतार असलेल्या साक्षात् प्रभु श्रीरामांच्या चरणस्पर्शाने गंगा-यमुना आणि सरस्वती यांचा त्रिवेणी संगम आणि त्या संगमावर वसलेले प्रयागक्षेत्र अधिकच पावन झाले आहे. प्रयागराज येथील महाकुंभपर्वाच्या निमित्ताने श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांच्या चैतन्यमय वाणीतील विशेष भक्तीसत्संगाद्वारे या दिव्य प्रसंगाचे श्रवण करूया.
या सत्संगातून जाणून घेऊया –
१. शेषनागाने सांगितलेले ‘प्रयाग आणि त्रिवेणी संगम’ यांचे महात्म्य !
२. प्रयागराज येथील त्रिवेणी संगम आणि तेथील पवित्र मंदिरांचे मानसदर्शन !
महाकुंभपर्वाचे मानसदर्शन घडवणारा महाकुंभ विशेष भक्तीसत्संग !
Audio Player
१३ जानेवारी २०२५ पासून प्रयागराज येथे आरंभ होत असलेल्या/झालेल्या महाकुंभपर्वाच्या निमित्ताने श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांच्या चैतन्यमय वाणीतील विशेष भक्तीसत्संग सर्वांसाठी उपलब्ध करून देत आहोत. या भक्तीसत्संगाच्या श्रवणामुळे जे कुंभमेळ्याला प्रत्यक्षात जाऊ शकले नाही, अशा प्रत्येकाला मानसरूपात कुंभपर्व अनुभवल्याची अनुभूती घेता येईल.
या सत्संगातून जाणून घेऊया –
१. कुंभस्नानाचे आध्यात्मिक महात्म्य !
२. ‘राजयोगी स्नाना’च्या निमित्ताने साधूसंतांची निघणारी शोभायात्रा आणि भाविकांची निस्सीम भक्ती यांचे दर्शन !
३. तीर्थयात्रांपेक्षाही अधिक महत्त्व मन शुद्ध करण्याला असल्याची शिकवण देणरा गुरु शिष्यांचा प्रसंग !
महाकुंभपर्वाचे महात्म्य सांगणारा विशेष भक्तीसत्संग !
Audio Player
कुंभमेळा म्हणजे जगातील सर्वांत मोठी धार्मिक यात्रा आहे ! या कुंभपर्वाच्या निमित्ताने प्रयाग, हरिद्वार, उज्जैन आणि त्र्यंबकेश्वर-नाशिक या चार क्षेत्री प्रत्येक १२ वर्षांनी भरणार्‍या यात्रेला हिंदु जीवनदर्शनात महत्त्वपूर्ण स्थान आहे. कुंभपर्वाचे आध्यात्मिक माहात्म्य आणि सांस्कृतिक महत्त्व अनन्यसाधारण आहे. १३ जानेवारी २०२५ पासून प्रयागराज येथे महाकुंभमेळ्याला आरंभ होत आहे. यानिमित्त या कुंभपर्वाचा अधिकाधिक आध्यात्मिक स्तरावर लाभ कसा घ्यायचा ? याविषयी श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांच्या चैतन्यमय वाणीतून जाणून घेऊया.
या सत्संगातून जाणून घेऊया –
१. कुंभमेळ्याचे आणि प्रयागराजचे माहात्म्य !
२. कुंभमेळ्याच्या उत्पत्तीची कथा !
३. कुंभमेळ्यातील ‘कुंभ’ या शब्दाचा भावार्थ आणि त्यासंबंधी संत नामदेवांची कथा !
दत्त जयंती निमित्त दत्तरूपी गुरुतत्त्वाचे महात्म्य वर्णन करणारा विशेष भक्तीसत्संग !
Audio Player
दत्त जयंती म्हणजे त्रिदेवस्वरूप दत्तगुरूंचा अवतरणदिन ! शिष्याचे अज्ञान नष्ट करणे, हेच श्रीगुरुतत्त्वाचे प्रधान कार्य आहे. अज्ञानी जिवांना ज्ञान प्रदान करण्यासाठी भगवंतच श्रीदत्तप्रभूंच्या रूपाने योग्य वेळी प्रकट होतो आणि त्या जीवांवर कृपा करून त्यांना आत्मबोध करतो. या कार्यासाठी श्रीदत्तप्रभूंचेच अंश विविध गुरुपरंपरांच्या माध्यमातून श्रीगुरु म्हणून पुन:पुन्हा अवतरित होत असतात. म्हणूनच भक्तांसाठी दत्त जयंती हा केवळ श्रीदत्तगुरूंचा उत्सव नसून गुरुतत्त्वाचा उत्सव आहे. या भक्तीसत्संगाद्वारे श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांच्या चैतन्यमय वाणीतून दत्तरूपी गुरुतत्त्व अनुभवूया.
सत्संगातील विषय :
१. ‘दिगंबरा दिगंबरा श्रीपाद वल्लभ दिगंबरा ।’ या दत्तमंत्राचा भावार्थ !
२. दत्तावतारी श्री नृसिंह सरस्वती यांच्यावरील श्रद्धेने त्यांचे आज्ञापालन केल्याने ७ दिवसांत कुष्ठरोगातून मुक्त झालेल्या ब्राह्मणाची कथा !
३. श्रीगुरुस्तुतीचे अष्टक – ‘इंदुकोटी तेजकिरण स्तोत्राची पार्श्वभूमी आणि भावार्थ !
वैकुंठ चतुर्दशी निमित्त श्रीविष्णुभक्तीचे माहात्म्य सांगणारा विशेष भक्तीसत्संग !
Audio Player
वैकुंठ चतुर्दशीचे माहात्म्य, म्हणजे या दिवशी सर्व भक्तांसाठी वैकुंठाचे द्वार उघडे असते. जो जीव या दिवशी भक्तीपूर्वक श्रीविष्णूचे पूजन आणि नामस्मरण करतो, त्या जिवाला श्रीविष्णूच्या दिव्य वैकुंठधामात सुनिश्चितपणे स्थान प्राप्त होते; म्हणूनच या सत्संगातून श्रीविष्णूच्या भक्तीचे माहात्म्य जाणून घेऊन आपण त्याची आराधना करूया. आपल्या अंतरंगात श्रीविष्णूची भक्ती रुजवून त्याची कृपा संपादन करूया !
श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांच्या मुखातून ऐकूया, महाविष्णूचे परम भक्त देवर्षि नारद आणि स्वयं महाविष्णु यांच्यातील दिव्य संवाद अन् त्याद्वारे श्रीविष्णूने उलगडलेले विष्णुभक्ताचे माहात्म्य !
कार्तिकी एकादशीनिमित्त श्रीविष्णूमाहात्म्य अनुभवायला देणारा विशेष भक्तीसत्संग !
Audio Player
कार्तिकी एकादशीला ‘हरि प्रबोधिनी एकादशी’ अथवा ‘देवोत्थानी एकादशी’, असेही म्हटले जाते. या एकादशीला भगवान विष्णुसह सर्व देवतांची आराधना करतात. चातुर्मासातील चार मासांच्या योगनिद्रेनंतर कार्तिकी एकादशीपासून कार्यरत होणार्‍या भगवान श्रीविष्णूच्या तत्त्वाची अनुभूती देणारा भक्तीसत्संग श्रवण करूया !
सत्संगातील अन्य विषय :
१. कार्तिकी एकादशीचे माहात्म्य !
२. कथा : थोर संत नरहरी सोनार यांनी अनुभवलेले हरि आणि हर यांचे अद्वैत !
दीपावलीच्या निमित्ताने आंतरिक गुणदीपांच्या आध्यात्मिक दीपोत्सवाची शिकवण देणारा विशेष भक्तीसत्संग !
Audio Player
दीपावली हा सण आश्विन कृष्ण त्रयोदशी (धनत्रयोदशी), आश्विन कृष्ण चतुर्दशी (नरकचतुर्दशी), अमावास्या (लक्ष्मीपूजन) आणि कार्तिक शुक्ल प्रतिपदा (बलिप्रतिपदा), असे ४ दिवस साजरा केला जातो. ‘वसुबारस’ आणि ‘भाऊबीज (यमद्वितीया)’ हे दिवस दिवाळीला जोडून येतात; म्हणून त्यांचा समावेश दिवाळीत केला जातो.
या भक्तीसत्संगाद्वारे दीपावलीच्या अंतर्गत येणार्‍या प्रत्येक दिवसाचा आध्यात्मिक भावार्थ श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांच्या चैतन्यमय वाणीतून जाणून घेऊया. दीपावलीला बाह्य दिव्यांच्या दीपोत्सवासह आंतरिक गुणदीपांनीही आपले मनमंदिर उजळून आध्यात्मिक दीपोत्सव साजरा करूया !
सत्संगातील अन्य विषय : अलक्ष्मी हरणार्‍या देवी महालक्ष्मीच्या आरतीचा भावार्थ जाणून घेऊया आणि दीपोत्सवाच्या चैतन्याने मनमंदिराचा गाभारा उजळून पंचप्राणांच्या ज्योतीने देवी आईला ओवाळूया !
आदिशक्ती जगदंबेचा ‘भक्तीमय जागर’ करणारे नवरात्रीनिमित्तचे विशेष भक्तीसत्संग !
Audio Player
विजयादशमी
१. महिषासुराचा वध करणार्‍या महिषासुरमर्दिनीची कथा !
२. विजयादशमीला श्रीरामाने केलेल्या रावणवधाचा प्रसंग !
३. नवरात्र आणि सीमोल्लंघन यांचा भावार्थ !
Audio Player
नवरात्रीचा नववा दिवस – ‘सिद्धीदात्री’देवीचे माहात्म्य !
१. नवदुर्गेचे नववे रूप ‘सिद्धीदात्री’देवी हिचे माहात्म्य !
२. मुकांबिकादेवीचे माहात्म्य !
३. ‘गोंधळा’द्वारे देवीआईची आराधना !
Audio Player
नवरात्रीचा आठवा दिवस – ‘महागौरी’देवीचे माहात्म्य !
१. नवदुर्गेचे आठवे रूप ‘महागौरी’देवी हिचे माहात्म्य !
२. महासरस्वतीदेवी – सरस्वतीच्या कृपेने बुद्धी प्राप्त झालेल्या उतथ्याची कथा !
३. जोगव्याद्वारे देवीआईची आराधना !
Audio Player
नवरात्रीचा सातवा दिवस – ‘कालरात्री’देवीचे माहात्म्य !
१. नवदुर्गेचे सातवे रूप ‘कालरात्री’देवी हिचे माहात्म्य !
२. भगवान श्रीविष्णूला मधु आणि कैटभ या दैत्यांशी युद्ध करण्यासाठी आदिशक्तीने केलेले साहाय्य !
३. आद्य शंकराचार्य रचित ‘राजराजेश्वरी स्तोत्रा’चा भावार्थ !
Audio Player
नवरात्रीचा सहावा दिवस – ‘कात्यायनी’देवीचे माहात्म्य !
१. नवदुर्गेचे सहावे रूप ‘कात्यायनी’देवी हिचे माहात्म्य !
२. देवीचे मानवजातीप्रती असलेले प्रीतीरूप : शाकंभरीदेवी, शताक्षीदेवी आणि अन्नपूर्णादेवी!
३. आद्य शंकराचार्य रचित ‘अन्नपूर्णा स्तोत्रा’चा भावार्थ !
Audio Player
नवरात्रीचा पाचवा दिवस – ‘स्कंदमाता’देवीचे माहात्म्य !
१. नवदुर्गेचे पाचवे रूप ‘स्कंदमाता’देवी हिचे माहात्म्य !
२. ललिता त्रिपुरसुंदरी देवीचे माहात्म्य !
३. आद्य शंकराचार्य रचित ‘कनकधारा स्तोत्रा’मागील कथा !
४. अष्टलक्ष्मींचा महिमा आणि अष्टलक्ष्मी स्तोत्राचा भावार्थ !
Audio Player
नवरात्रीचा चौथा दिवस – ‘कूष्मांडा’देवीचे माहात्म्य !
१. नवदुर्गेचे चौथे रूप ‘कूष्मांडा’देवी हिचे माहात्म्य !
२. श्रीविष्णूने केलेला ‘अंबा यज्ञ’ !
३. इंद्राने ‘महालक्ष्मी अष्टका’द्वारे केलेल्या लक्ष्मीस्तुतीचा भावार्थ !
Audio Player
नवरात्रीचा तिसरा दिवस – ‘चंद्रघण्टा’देवीचे माहात्म्य !
१. नवदुर्गेचे तिसरे रूप ‘चंद्रघण्टा’देवी हिचे माहात्म्य !
२. रामकृष्ण परमहंस यांनी केलेली कालीमातेची भक्ती !
३. आदिशक्तीच्या चरणकमलांच्या नखामध्ये त्रिदेवांना घडलेले ब्रह्मांडाचे दर्शन !
Audio Player
नवरात्रीचा दुसरा दिवस – ‘ब्रह्मचारिणी’देवीचे माहात्म्य !
१. नवदुर्गेचे दुसरे रूप ‘ब्रह्मचारिणी’देवी हिचे माहात्म्य !
२. श्रीरामाने केलेले नवरात्रीचे व्रत
३. आद्य शंकराचार्यांनी केलेली देवीची उपासना
४. आद्य शंकराचार्य रचित भवानी अष्टकाचा भावार्थ !
Audio Player
नवरात्रीचा पहिला दिवस – ‘शैलपुत्री’देवीचे माहात्म्य !
१. नवदुर्गेचे पहिले रूप ‘शैलपुत्री’देवीचे माहात्म्य !
२. देवी सतीची कथा आणि ५१ शक्तीपीठे !
३. दुर्गा चालिसाचा भावार्थ !
नवरात्र म्हणजे साक्षात् आदिशक्तीस्वरूपिणी जगदंबिकेचा उत्सव ! नवरात्र हे देवीचे व्रत असून महाराष्ट्रासह अनेक ठिकाणी हे व्रत कुलाचार म्हणूनसुद्धा पाळले जाते. या व्रतात नऊ दिवस व्रतस्थ राहून देवीची मनोभावे आराधना केली जाते. नवरात्रीच्या निमित्ताने देवीची आध्यात्मिक भावाच्या स्तरावर आराधना शिकण्यासाठी श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांनी घेतलेले विशेष भक्तीसत्संग आपल्या सर्वांसाठी उपलब्ध करून देत आहोत.
नवरात्रीच्या ९ दिवसांतील प्रत्येक दिवशी देवीचे एकेक तत्त्व कार्यरत असते. तिच्या या ९ रूपांनाच ‘नवदुर्गा’, असे म्हटले आहे. त्या नवदुर्गांचा महिमा प्रत्येक दिवसाच्या भक्तीसत्संगाद्वारे अनुभवूया !
साक्षात् देवीस्वरूप असलेल्या श्रीसत्शक्ति (सौ.) बिंदा सिंगबाळ यांच्या चैतन्यमय वाणीतून हे भक्तीसत्संग श्रवण करून नवरात्रीच्या कालावधीत कार्यरत असलेल्या देवीतत्त्वाचा लाभ घेऊया !
श्री गणेशाची आगळीवेगळी आराधना करायला शिकवणारा गणेशोत्सवानिमित्तचा विशेष भक्तीसत्संग !
Audio Player
विघ्नहर्त्या श्री गणेशाचे पूजन सर्व युगांमध्ये होत आले आहे. श्री गणेश हा प्रथम पूजाप्राप्तीचा अधिकारी आहे. कोणतेही व्रतवैकल्य असो, पूजा-अर्चा असो, मंगलकार्य असो, समारंभ असो अथवा कोणत्याही देवतेचे पूजन असो, सर्वप्रथम श्री गणेशाचे पूजन केले जाते. भाद्रपद शुक्ल चतुर्थीला गणेशोत्सव चालू होतो. तेव्हापासून भाद्रपद शुक्ल चतुर्दशी पर्यंत, म्हणजे अनंत चतुर्दशीपर्यंत गणपति बाप्पा सर्वांना आनंद प्रदान करत असतो; म्हणूनच गणेशोत्सव हा ‘आनंदोत्सव’ आहे. ‘गणेशोत्सवाच्या निमित्ताने विघ्नहर्त्या श्री गणेशाची आगळीवेगळी भावपूर्ण आराधना कशी करायची ?’, हे शिकण्यासाठी श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांच्या चैतन्यमय वाणीतील भक्तीसत्संग श्रवण करूया !
या सत्संगात जाणून घेऊया –
१. मधु आणि कैटभ या दैत्यांच्या संहारासाठी श्रीविष्णूने केलेली श्री गणेशाची आराधना !
२. त्रिपुरासुराच्या वधासाठी भगवान शिवाने केलेली श्री गणेशाची आराधना !
३. श्री गणेशाच्या पूजेत दूर्वा वहाण्याचे महत्त्व, तसेच दूर्वांशी संबधित करायचे भावजागृतीचे प्रयत्न !
श्रीकृष्ण जन्माष्टमीच्या निमित्ताने भगवान श्रीकृष्णाच्या दिव्य जन्मलीलेचे रहस्य सांगणारा विशेष भक्तीसत्संग !
Audio Player
‘श्रीकृष्ण जन्माष्टमी’ म्हणजे साक्षात् लीलाधारी जगद्गुरु श्रीकृष्णाच्या अवतारधारणाचा दिव्य दिवस ! आबाल-वृद्ध सर्वांना ज्याचा लळा आहे, अशा मधुर आणि मनोहर श्रीकृष्णाच्या दिव्य लीला ऐकल्या की, जीव त्या कृष्णभक्तीतच डुंबून जातो. श्रीकृष्ण जन्माष्टमीच्या निमित्ताने श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांच्या चैतन्यमय वाणीतील भक्तीसत्संगातून साक्षात् भगवान श्रीकृष्णाची जन्मलीला आणि त्यामागील विविध दैवी रहस्ये जाणून घेऊन कृष्णभक्तीमय होऊया !
रक्षाबंधनाच्या निमित्ताने श्रीकृष्ण आणि द्रौपदी यांच्यातील भक्तीमय नाते उलगडणारा विशेष भक्तीसत्संग !
Audio Player
रक्षाबंधन हा बहीण आणि भाऊ यांच्यातील प्रीती दर्शवणारा पवित्र सण आहे.
या सणाचा आध्यात्मिक दृष्टीकोनातून विचार केल्यास असे लक्षात येते की, ‘मायेच्या विश्वातील सर्व नात्यांच्या पलीकडे आपले भगवंताशीच जन्मोजन्मीचे नाते असते. भगवंतच आपला सखा आणि सर्वस्व असतो.’ भगवान श्रीकृष्ण आणि द्रौपदी यांच्यातही असेच आध्यात्मिक नाते होते.
रक्षाबंधनाच्या निमित्ताने श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांच्या चैतन्यमय वाणीतील भक्तीसत्संगातून आर्तता आणि दृढ भक्ती यांचे उत्कट उदाहरण असलेल्या द्रौपदीची भक्ती शिकूया अन् आपणही आपले भगवंताशी असलेले नाते दृढ करूया !
नागपंचमीच्या निमित्ताने नागदेवतांप्रती कृतज्ञताभाव वृद्धींगत करणारा विशेष भक्तीसत्संग !
Audio Player
श्रावण मास, म्हणजे ‘सणांचा मास’ असे या मासाचे आगळे वेगळे वैशिष्ट्य आहे. श्रावणातील पहिला सण ‘नागपंचमी’ ! सर्व प्राणीमात्रांत परमेश्वरी तत्त्व आहे. जगातील सर्व जीवजंतू या जगताचे कार्य चालावे यासाठी पूरक आहेत, याचेच एक उदाहरण म्हणजे नाग ! भगवान श्रीकृष्णानेही गीतेमध्ये सांगितले आहे, ‘नागांमध्ये श्रेष्ठ असा अनंत मी आहे !’
नागपंचमीच्या निमित्ताने श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांच्या चैतन्यमय वाणीतील भक्तीसत्संगातून सात्त्विक आणि दैवी नागांनी केलेली भक्ती जाणून घेऊया.
यासह या सत्संगातून जाणून घेऊया …
१. भगवान शिवाच्या कंठातील वासुकी नागासह ९ नागांची शिवभक्ती !
२. प्रत्येक युगातील शेषनागाची विष्णुभक्ती अन् त्याची तपश्चर्या !
गुरुपौर्णिमेच्या निमित्ताने परब्रह्मस्वरूप गुरुदेवांचे वर्णन करणारा विशेष भक्तीसत्संग !
Audio Player
गुरु-शिष्याचे अतुट नाते दर्शवणारा परमदिव्य महोत्सव म्हणजे ‘गुरुपौर्णिमा’ ! परब्रह्मस्वरूप, निर्गुण, निराकार अशा गुरुतत्त्वाच्या लीलेचे वर्णन ऐकून गुरुमय होण्यासाठी श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांच्या चैतन्यदायी वाणीतून हा भक्तीसत्संग श्रवण करूया. त्याद्वारे गुरूंच्या दिव्यत्वाची प्रत्यक्ष अनुभूती घेऊया !
या विशेष भक्तीसत्संगातून जाणून घेऊया …
१. साक्षात् परब्रह्मस्वरूप गुरूंची महती !
२. गुरूंचे सामर्थ्य आणि गुरूंच्या आज्ञापालनाचे महत्त्व दर्शवणारी समर्थ रामदास स्वामी यांची कथा !
आषाढी एकादशीच्या निमित्ताने भक्तवत्सल विठुमाऊलीप्रति अपार भक्ती शिकवणारा विशेष भक्तीसत्संग !
Audio Player
आषाढी एकादशीला अनेक विठ्ठलभक्त वारकरी पायी वारी करत पंढरपूरला जातात. या विठ्ठलभक्तांचे भक्तीमाहात्म्य श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांच्या चैतन्यदायी वाणीतून श्रवण करूया.
संत जनाबाई यांच्या सुंदर अभंगाद्वारे श्री विठ्ठल आणि भक्त यांच्यातील भक्तीमय नात्याचा परिचय जाणून घेऊन स्वत:च्या अंतरात विठ्ठलभक्ती अनुभवूया !
सच्चिदानंद परब्रह्म डॉ. आठवले यांच्या जन्मोत्सवानिमित्त श्री गुरुमाहात्म्य उलगडणारा विशेष भक्तीसत्संग !
Audio Player
‘या वर्षी सच्चिदानंद परब्रह्म डॉ. आठवले यांचा ८२ वा जन्मोत्सव सप्तर्षींच्या आज्ञेनुसार २७ ते ३०.५.२०२४ या कालावधीत साजरा करण्यात येत आहे. या जन्मोत्सवाच्या निमित्ताने श्री गुरूंप्रती अंतरात कृतज्ञतेचा भाव जागृत होण्यासाठी श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांच्या गुरुभक्तीमय वाणीतून गुरुमाहात्म्य उलगडणारा हा भक्तीसत्संग श्रवण करूया. या भक्तीसत्संगाद्वारे सच्चिदानंद परब्रह्म डॉ. आठवले यांचे माहात्म्य जाणून घेऊन त्यांच्या जन्मोत्सवाच्या निमित्ताने त्यांच्या श्री चरणी श्री गुरुस्तुतीरूपी भक्तीनमन पुष्प समर्पित करूया !
या विशेष भक्तीसत्संगात जाणून घेऊया
१. प्रत्येक जिवाला त्याच्या भावानुसार अनुभूती देणारे सच्चिदानंद परब्रह्म डॉ. आठवले !
२. कथा : वामन पंडितांमधील विद्वत्तेचा अहंकार नष्ट करून त्यांची आत्मजागृती करणारे समर्थ रामदासस्वामी !
३. समर्थ रामदास स्वामी यांच्याप्रमाणे अखिल मानवजातीला साधना शिकवून त्यांना उद्धाराचा मार्ग दाखवणारे सच्चिदानंद परब्रह्म डॉ. आठवले !
४. विविध माध्यमांतून साधकांना घडवणार्‍या आणि त्यांचा उद्धार करणार्‍या श्री गुरूंच्या चरणी समर्पित भक्तीनमन !
हनुमंताच्या भक्तीचे माहात्म्य सांगणारा हनुमान जयंतीनिमित्तचा विशेष भक्तीसत्संग !
Audio Player
श्रीविष्णूने श्रीरामाच्या रूपात पृथ्वीतलावर दिव्य अवतार धारण केला. त्यानंतर अवघ्या ५ दिवसांनी रामकार्यात सहयोग देण्यासाठी भगवान शंकराने हनुमंताच्या रूपात अवतार घेतला. हनुमानाच्या तन-मनाच्या कणाकणात प्रभु श्रीराम असून त्याचे आचरण राममय आहे. रामभक्ती हाच त्याचा मंत्र आणि रामसेवा हाच त्याचा ध्यास आहे. अशा हनुमंताची परम भक्ती शिकण्यासाठी श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांच्या चैतन्यदायी वाणीतील हा भक्तीसत्संग श्रवण करूया.
या सत्संगात जाणून घेऊया…
१. हनुमंताचे दिव्य अवतारधारण !
२. अंजनीसारख्या वीरमातेच्या पोटी जन्मलेला तेजस्वी पुत्र हनुमान !
३. श्रीरामाने केलेली हनुमंताची स्तुती !
४. हनुमंताची दास्यभक्ती सांगणारे काही प्रसंग !
भक्तीसत्संग (रामनवमी विशेष)
Audio Player
२२.१.२०२४ या दिवशी साक्षात् श्रीरामलल्ला मूर्तीरूपाने अयोध्येत विराजमान झाला आहे. त्यामुळे यावर्षीचा रामनवमीचा उत्सव समस्त रामभक्तांसाठी अत्यंत वैशिष्ट्यपूर्ण आहे. आपल्या अंतरात ‘श्रीरामलल्लाविषयीची भक्ती वाढून त्याच्या तत्त्वाचा अधिकाधिक लाभ घेता यावा’, यासाठी श्रीसत्शक्ति (सौ.) बिंदा नीलेश सिंगबाळ (सच्चिदानंद परब्रह्म डॉ. आठवले यांच्या एक आध्यात्मिक उत्तराधिकारी) यांच्या चैतन्यदायी वाणीतील हा भक्तीसत्संग श्रवण करूया आणि त्याद्वारे श्रीरामप्रभूच्या दिव्य लीलांची प्रत्यक्ष अनुभूती घेऊया.
या विशेष भक्तीसत्संगात श्रीरामाच्या अवतारी बाललीला जाणून घेऊया ! : त्रेतायुगात श्रीरामजन्मामुळे अयोध्येसह सर्वत्रचे वातावरणच पालटले. ‘आपल्या गोंडस आणि लडिवाळ रूपाने, बालसुलभ लीलांनी अन् मधुर बोबड्या बोलांनी श्रीरामाने माता कौसल्या, पिता राजा दशरथ, महालातील सेवेकरी, संपूर्ण महाल आणि सारी अयोध्यानगरी या सार्‍यांना मंत्रमुग्ध करणे, एकाच वेळी दोन रूपे घेऊन माता कौसल्येला भुलवणे, मातेला विराट रूपात दर्शन देणे’, अशा रामलीलांचे सुंदर वर्णन ऐकून त्याच्या अवतारत्वाची प्रचीती घेऊया.
भक्तीसत्संग (महाशिवरात्री विशेष)
Audio Player
श्रीसत्शक्ति (सौ.) बिंदा सिंगबाळ यांच्या चैतन्यदायी वाणीतील महाशिवरात्री निमित्तच्या विशेष भक्तीसत्संगाचे भावपूर्ण श्रवण करूया. आपल्या अंतरातील शिवभक्ती वृद्धींगत होण्यासाठी जगद़्‍पिता भगवान शिवाचा महिमा जाणून घेऊया । या सत्संगात ऐका, १२ ज्‍योतिर्लिंगांचे दिव्य माहात्म्य आणि भगवान शिवाच्या प्राप्‍तीसाठी आदिशक्ति पार्वतीने केलेली कठोर तपस्‍या.
टीप : येथे दिलेल्या कोणत्याही एका ऑडिओ वर क्लिक केल्यावर तो सुरु होईल आणि पुन्हा पुन्हा Play होत राहील. मोबाईल वर ऐकणाऱ्यांनी स्क्रीन लॉक जर केले तरी ऑडिओ थांबणार नाही, त्यामुळे स्क्रीन सुरु ठेवण्याची आवश्यकता नाही.
