राजकीय पक्षांवर अवलंबून न रहाता समाजहितासाठी सतत कार्यरत असलेले समाजसेवक, देशावर आत्यंतिक प्रेम असलेले देशभक्त आणि हिंदु धर्मसंस्कृतीविषयी आस्था असलेले धर्मप्रेमी यांनी एकत्रित येऊन कार्य करणे, ही काळाची आवश्यकता आहे.

आपण प्रत्येकाने ध्येयनिष्ठ बनून आणि संघटित होऊन अन्याय करणा-या दुष्प्रवृत्तींच्या विरोधात कृती केल्यास निश्चितच पुढच्या पिढीसाठी एका आदर्श राज्यव्यवस्थेचा, म्हणजेच रामराज्याची अनुभूती देणा-या ‘हिंदु राष्ट्रा’चा पाया रचला जाईल.

‘शासनाकडे कर भरत असूनही प्रत्येक ठिकाणी जर लुबाडणूक आणि फसवणूक केली जात असेल, तर तो स्वतःवर होणारा सामाजिक अन्याय आहे’, हे प्रत्येक नागरिकाने लक्षात घेतले पाहिजे.

‘हिंदु राष्ट्र’ ही संकल्पना म्हणजे राजकारण नाही, तर राष्ट्रनिष्ठ आणि धर्माधिष्ठित जीवन जगण्याची ती एक प्रगल्भ संस्कृती अन् राज्यव्यवस्था असेल.