सनातन संस्था सनातन धर्माच्या समस्त पद्धतींचे चांगले व्यवस्थापन करून ते चालवत आहे. या पद्धतीला मी शुभेच्छा देतो, असे मार्गदर्शन महाराष्ट्राच्या अमरावती जिल्ह्यातील कौंडण्यपूर येथील श्री रुक्मिणी विदर्भ पिठाचे श्री अनंत विभूषित जगद्गुरु श्री रामानंदाचार्य स्वामी श्री राम राजेश्वराचार्य (माऊली सरकार) यांनी १० फेब्रुवारी या दिवशी येथे केले.

सनातन संस्था सनातन हिंदु धर्मासाठी अद्भुत कार्य करत आहे, असे प्रतिपादन वृंदावन-मथुरा येथील अखंड दयाधामचे महामंडलेश्वर आचार्य स्वामी भास्करानंद महाराज यांनी १४ फेब्रुवारी या दिवशी येथे केले.

मध्यप्रदेश येथील बहारपुरा मधील सनातन सेवा आश्रमाचे महंत शंकरानंदजी महाराज यांची सनातन संस्था आणि हिंदु जनजागृती समिती यांच्या वतीने कुंभनगरी येथे लावण्यात आलेल्या अनुक्रमे ग्रंथप्रदर्शन आणि धर्मशिक्षण फलक प्रदर्शन यांना भेट

श्री श्री १००८ श्री महंत काशीदास महात्यागी महाराज म्हणाले, ‘‘तुम्ही घर, प्रपंच पाहून लोकांना धर्माच्या मार्गावर आणत आहात, हे मोठे यशस्वी कार्य आहे. सनातनसारख्या संस्थेची सध्या आवश्यकता आहे.

सनातन संस्थेने चांगले प्रदर्शन लावले आहे. सर्व हिंदूंनी म्हणजेच लहानांपासून थोरांपर्यंत सर्वांनी काय करायला हवे, हे या प्रदर्शनातून कळेल. सर्व क्षेत्रांत ज्ञान देण्यासाठी गुरु असतात, त्याप्रमाणे या प्रदर्शनातही सर्व माहिती देणारे गुरुच असून ते ज्ञान आणि गुण उत्पन्न करून हिंदूंना देत आहेत असे प्रतिपादन महंत श्री धर्मप्रकाशजी महाराज यांनी केले.

सनातनचे प्रदर्शन पुष्कळ चांगले आहे. हे प्रदर्शन पाहिल्यानंतर हिंदूंना आध्यात्मिक माहितीसमवेत त्यांच्यावर कशा प्रकारे आणि का अत्याचार होत आहेत, याची माहिती मिळेल. हे प्रदर्शन पाहून ‘आपल्यावर कशाप्रकारे अन्याय होत आहे’, याची हिंदूंना जाणीव होऊन त्यांच्यात जागृती होईल.

उज्जैन येथील कल्याण आश्रमचे स्वामी प्रेम परमानंद महाराज यांनी ११ फेब्रुवारी या दिवशी सनातन संस्था आणि हिंदु जनजागृती समितीच्या यांच्या वतीने कुंभनगरी येथे लावण्यात आलेल्या ग्रंथ आणि धर्मशिक्षणफलक प्रदर्शनाला भेट दिली.