अध्यात्मात वय पाहिले जात नाही, तर वृत्ती, कृती पाहिली जाते; म्हणून लहान वयांच्या संतांच्याही सर्वजण पाया पडतात. याउलट आधुनिक विचारसरणीची न्यायप्रणाली केवळ वय पहाते; म्हणून गुन्हेगारी करायची बुद्धी असलेल्यालाही बालच समजते ! – (परात्पर गुरु) डॉ. आठवले
परमेश्‍वर अनंत कोटी ब्रह्मांडांचा व्याप सांभाळतो; पण कार्याचे श्रेय विविध देवता, अवतार आणि संत यांना देतो, म्हणजेच त्याच्यात अहं नसतो. यावरून लक्षात येईल की, दुसर्‍याला श्रेय देतो तो परमेश्‍वर. याउलट अहं असलेला माणूस स्वतःला मोठेपणा मिळावा म्हणून प्रयत्न करतो ! – (परात्पर गुरु) डॉ. आठवले
काही साधक सेवा परिपूर्ण जमत नाही म्हणून निराश होतात. काही साधक व्यष्टी साधनेतील प्रयत्न नीट जमत नाहीत म्हणून निराश होतात. परिपूर्ण सेवा करणे आणि साधनेच्या प्रयत्नांतील परिपूर्णता, हे साध्य आहे. एखाद्या गोष्टीतील अपूर्णत्व, हे त्यासंदर्भात अजून आपल्याला शिकायचे आहे, याचेच निर्देशक आहे. शिकण्यात आनंद आहे, हे प.पू. डॉक्टरांचे वाक्य सतत लक्षात ठेवले, तर आपण करत … Read more
मी तुम्हाला प्रचारात साहाय्य करतो, यापेक्षा स्वतः प्रचार करणे, ही वरच्या स्तराची साधना आहे. याचे कारण हे की, मी तुम्हाला प्रचारात साहाय्य करतो, यात एक प्रकारे अहं असतो आणि प्रचारात काही चुका झाल्या, तर स्वतःकडे त्यांचे उत्तरदायीत्व नसते. याउलट स्वतः प्रचार करणे यात स्वतःवर असलेल्या उत्तरदायीत्वाची जाणीव असते. त्यामुळे प्रगती जलद होते. – (परात्पर गुरु) … Read more
एखाद्या गोष्टीचा त्याग करतांना त्या गोष्टीवरील आपले स्वामीत्व सोडले जाते, उदा. संसाराचा त्याग करून संन्यासी बनणे. याचा स्वतःला लाभ होतो; पण दुसर्‍याला होत नाही. दान करतांनाही स्वामीत्व सोडले जाते. तेव्हा त्याचा दुसर्‍याला लाभ होतो. ते दान सत्पात्राला केल्यास स्वतःलाही योग्य साधना झाल्यामुळे लाभ होतो. – (परात्पर गुरु) डॉ. आठवले
वेदमंत्रपठण ही नामजपाप्रमाणे व्यष्टी साधना आहे. त्याचप्रमाणे ती समष्टी साधनाही आहे; कारण वेदमंत्रपठण मोठ्याने करत असल्याने त्याचा परिणाम ऐकणार्‍या व्यक्ती आणि वातावरण यांच्यावरही होतो. – (परात्पर गुरु) डॉ. आठवले
सर्वसाधारण व्यक्तीशी बोलतांना मी आभारी आहे, असे म्हणतो. त्याऐवजी संतांशी बोलतांना मी कृतज्ञ आहे, असे म्हणावे. – (परात्पर गुरु) डॉ. आठवले
गुरु वाट दाखवतात. आपण त्या वाटेने चाललो, म्हणजे साधना केली, तरच पुढे जातो. – (परात्पर गुरु) डॉ. आठवले
साधकांना एखादे संत किंवा त्यांचे गुरु यांच्या संदर्भात अनुभूती येतात. त्या अनुभूतींची ते संत किंवा गुरु यांना बहुधा जाणीव नसते. अशा अनुभूती देवच ते संत किंवा गुरु यांच्यावर साधकांची श्रद्धा निर्माण व्हावी, यासाठी त्यांचे रूप घेऊन देतो. क्वचित प्रसंगी संत किंवा गुरु स्वसामर्थ्याने अशा अनुभूती देतात. – (परात्पर गुरु) डॉ. आठवले
साधनेचा प्रवास २ – ३ पावले पुढे आणि एखाद पाऊल मागे, असा असतो. एखाद पाऊल मागे पडल्यावर त्याची काळजी करू नये. बसने प्रवास करतांना ती मधे मधे थांब्यावर थांबते. तेव्हा आपण काळजी करत नाही. ती पुढे जाणार आहे, याची आपल्याला खात्री असते. त्याचप्रमाणे साधनेत एखादे पाऊल मागे पडल्यावर साधना करणार्‍याने त्याची काळजी करू नये. तो … Read more