तामसिक इंग्रजीच्या तुलनेत सात्त्विक मराठी भाषा श्रेष्ठ !

 

१ अ. मराठी भाषा जगातील दहा प्रमुख भाषांपैकी एक आहे. जगाच्या एकूण लोकसंख्येपैकी १.५ टक्के लोक मराठी भाषा बोलतात. तिला एक सहस्र वर्षांचा इतिहास आहे. – दि.पु. चित्रे (तरुण भारत, ६.१०.१९९९)

 

१ आ. संत ज्ञानेश्‍वर, संत तुकाराम यांसह अनेक संत मराठीतूनच घडले ! – ब्रह्मर्षी डॉ. प.वि. वर्तक, पुणे. 

 

२ अ. मराठी भाषेस आवेश, गांभीर्य व सरसता या गुणांकरिता कोणत्याही अन्य भाषेच्या तोंडाकडे बघण्याची आवश्यकता नाही. – निबंधमालाकार विष्णुशास्त्री चिपळूणकर

 

तैसी भासांमाजि (भाषांमध्ये) चोखळा । भासा मराठी ॥ १२२ ॥

जैसी पुष्पांमाजि पुष्प मोगरी । कि परिमळांमाजि कस्तुरी ॥

तैसी भासांमाजि साजरी । मराठीया ॥ १२३ ॥

पखियांमधें मैओरू (पक्षांमध्ये मोर)। वृखियांमधे कल्पतरू ।

भासांमधे मानु थोरू । मराठियेसी ॥ १२४ ॥

तारांमधें बारा रासी । सप्त वारांमाजि रवी-शसी ।

या दीपिच्या भासांमधें तैसी । बोली मराठिया ॥ १२५ ॥

 

– फादर स्टिफन्सच्या ख्रिस्तपुराणातून

 

 

 

वरील सारणीवरून बंगाली भाषेपेक्षा मराठी भाषा संस्कृत भाषेशी जास्त संबंधित कशी आहे, हे लक्षात येईल. यामुळेच मराठी भाषा जास्त सात्त्विक आहे. – प.पू. डॉ. आठवले, कार्तिक कृष्ण पक्ष चतुर्दशी, कलियुग वर्ष ५११० (२६.११.२००८)

 

२ ई. माधुर्य इत्यादी विविध वैशिष्ट्ये : मराठी भाषेला माधुर्य आहे. ती सहज, सुंदर, सोपी व रसाळ आहे. तशीच ती समृद्धही आहे. मराठी भाषेत एक प्रकारची लवचिकता आहे, आदर व्यक्त करण्याची क्षमता आहे, शास्त्रशुद्धता आहे, अल्प शब्दांत आशय व्यक्त करण्याची क्षमता आहे. – कु. मधुरा भोसले, सनातन संस्था.

 

२ उ. भाषेतील प्रत्येक शब्दाला भावार्थही असणे : २३.११.२००५ या दिवशी एक वाजता जेवत असतांना मनात वाक्य आले, आपल्या भाषेतील प्रत्येक शब्दाला अर्थ आहे. नंतर उदाहरण म्हणून पुढील शब्द व त्यांचे अर्थ मनात आले.

 

१. संत्र : जे खाल्ल्याने अंतरात सात रसांची निर्मिती होते. (शरीरात सप्तधातू आहेत.) 

 

२. सत्ता : जिथे षड्रिपू आणि अहं जास्त प्रमाणात (अधिकतम मर्यादेपर्यंत) कार्यरत असतात. 

 

– सौ. श्रुति नितीन सहकारी, रामनाथी, गोवा.

 

(संदर्भ : सनातनचा ग्रंथ तामसिक इंग्रजीच्या तुलनेत सात्त्विक मराठी भाषा श्रेष्ठ !)