हिंदु संस्कृतीच्या प्रसारासाठी सनातन संस्था प्रामाणिकपणे प्रयत्न करत आहे ! – श्री प्रकाशानंदजी महाराज, श्री रामकृष्ण विवेकानंद आश्रम, राणेबेन्नूरु, कर्नाटक

राणेबेन्नूरु (कर्नाटक) : हिंदु संस्कृतीचा प्रसार करणे आणि राष्ट्रभक्तीविषयी जनजागृती करणे, यांसाठी सनातन संस्था प्रामाणिकपणे प्रयत्न करत आहे. गेल्या १५ वर्षांपासून संस्थेच्या या कार्याचे आम्ही जवळून अवलोकन केले आहे. या संस्थेकडून धर्म आणि संस्कृती यांचे कार्य पुढे होत राहो अणि त्यात त्यांना यश लाभो, ही शुभेच्छा ! भगवंताची कृपा सर्वांवर असू दे, अशी प्रार्थना करतो, असे आशीर्वचन राणेबेन्नूरु येथील श्री रामकृष्ण विवेकानंद आश्रमाचे श्री प्रकाशानंदजी महाराज यांनी सनातन संस्थेला दिले. काही हिंदु विरोधकांकडून सनातन संस्थेवर बंदी आणण्याची मागणी करण्यात येत आहे. या पार्श्‍वभूमीवर संस्थेचे साधक आणि पतंजली योग समितीचे कार्यकर्ते यांनी महाराजांची भेट घेतली होती. त्या वेळी ते बोलत होते.

संदर्भ : दैनिक सनातन प्रभात