പ്രകൃതി ദുരന്തങ്ങളെ നേരിടാനുള്ള മുന്നൊരുക്കങ്ങളും അവയെ നേരിട്ടുകൊണ്ടിരിക്കുന്പോൾ ചെയ്യേണ്ട കാര്യങ്ങളും

മെയ്, ജൂൺ മാസങ്ങളിൽ ‘അംഫാൻ’, ‘നിസർഗ’ എന്നീ ശക്തമായ ചുഴലിക്കാറ്റുകൾ ഭാരതത്തെ ബാധിച്ചു. 2020 മെയ് 20ന് ഭാരതത്തിന്‍റെ കിഴക്കൻ തീരത്തെ ‘അംഫാൻ’ ബാധിച്ചു എന്നാൽ 2020 ജൂൺ 2, 3 തീയതികളിൽ കൊങ്കൺ തീരത്തെ (മുംബൈ ഉൾപ്പെടെ) ‘നിസർഗ’ ബാധിച്ചു.

ശക്തമായ കാറ്റും പേമാരിയും ഉള്ള ഈ ചുഴലിക്കാറ്റുകൾ വലിയ മരങ്ങളെപ്പോലും പിഴുതെറിഞ്ഞു. വീടുകളുടെ മതിലുകൾ ഇടിഞ്ഞു വീഴുക, മേൽക്കൂരകൾ തകരുക, തുടങ്ങിയവ വലിയ സാമ്പത്തിക നഷ്ടത്തിന് കാരണമായി. നിരവധി ആളുകൾ ഭവനരഹിതരായി. പലയിടത്തും തകരാറുണ്ടായതിനാൽ വൈദ്യുതി വിതരണം തടസ്സപ്പെട്ടു. മൊബൈൽ നെറ്റ്‌വർക്കുകൾ പ്രവർത്തനരഹിതമാവുകയും ആശയ വിനിമയ സംവിധാനവും നിർത്തലാക്കുകയും ചെയ്തു. പൊതു ജീവിതം പൂർണ്ണമായും തകർന്നു. പ്രകൃതിയുടെ ഈ ഭയാനകമായ രൂപം കണ്ട് ആളുകൾ പരിഭ്രാന്തരായി.

ചുഴലിക്കാറ്റ്, കനത്ത മഴ, ഭൂകമ്പം തുടങ്ങിയ പ്രകൃതിദുരന്തങ്ങളെ എപ്പോൾ നേരിടേണ്ടിവരുമെന്ന് പ്രവചിക്കാൻ കഴിയില്ല. അത്തരം ദുരന്തങ്ങൾ ഏത് നിമിഷവും ഉണ്ടാകാം. അതിനാൽ, തയ്യാറെടുപ്പ് ആവശ്യമാണ്. ഇത് മനസ്സിൽ വെച്ചുകൊണ്ട്, എല്ലാവരും ഇവിടെ നൽകിയിരിക്കുന്ന നിർദ്ദേശങ്ങൾ ഗൗരവമായി പാലിക്കണം.

1.  പ്രകൃതി ദുരന്തങ്ങൾ നേരിടുന്നതിനുള്ള  തയ്യാറെടുപ്പ്

A. നിങ്ങൾ ഒരു പുതിയ വീട് പണിയുകയാണെങ്കിൽ, ടിൻ ഷീറ്റുകൾക്ക് പകരം കോൺക്രീറ്റ് മേൽക്കൂര (സ്ലാബ്) ഉള്ളത് പരിഗണിക്കുക.

B. മേൽക്കൂരകൾക്കായി ഉപയോഗിക്കുന്ന ടിൻ ഷെഡ് എത്ര ശക്തമാണെങ്കിലും, ഷീറ്റുകൾ കാറ്റിൽ പറന്നു പോകാം. കൊടുങ്കാറ്റ് എപ്പോൾ വരുമെന്ന് പ്രവചിക്കാൻ കഴിയാത്തതിനാൽ എല്ലായ്പ്പോഴും ഷീറ്റുകളിൽ സാൻഡ്ബാഗുകൾ സൂക്ഷിക്കുക. (ഷീറ്റുകളുടെ വിസ്തീർണ്ണം 500 ചതുരശ്ര അടി വരെ ആണെങ്കിൽ, 5-10 കിലോഗ്രാം ഭാരം വരുന്ന ബാഗുകൾ ഓരോന്നും ആവശ്യാനുസരണം മേൽക്കൂരയിലും മധ്യഭാഗത്തും സ്ഥാപിക്കണം. ഈ ബാഗുകൾ ഗുണനിലവാരമുള്ളതായിരിക്കണം.)

C. വീടിനുചുറ്റും വളരെ പഴയതും അപകടകരവുമായ മരങ്ങൾ ഉണ്ടെങ്കിൽ അവ വെട്ടിമാറ്റണം, അതിനാൽ കൊടുങ്കാറ്റിൽ മരങ്ങൾ  വീണ് വീടിന് കേടുപാടുകൾ സംഭവിക്കില്ല.

D. ഉയർന്ന ടെൻഷൻ വൈദ്യുത ലൈനുകൾ നിങ്ങളുടെ കെട്ടിടത്തിനോ വീടിനോ പുറത്തുള്ള റോഡുകളിലൂടെ കടന്നുപോകുകയും സമീപത്ത് മരങ്ങളും  ഉണ്ടെങ്കിൽ , മഴയോ കാറ്റോ കാരണം മരങ്ങൾ ലൈനുകളിൽ പതിക്കുകയും മരണത്തിന് കാരണമാവുകയും ചെയ്യും. അതിനാൽ, പ്രാദേശിക വൈദ്യുതി വകുപ്പുമായി ബന്ധപ്പെടുകയും വൈദ്യുതി ലൈനുകൾക്ക് സമീപമുള്ള മരക്കൊമ്പുകൾ മുറിക്കാൻ ആവശ്യപ്പെടുകയും ചെയ്യുക.

E. ഏതെങ്കിലും ഇലക്ട്രിക്കൽ ലൈനിന് കീഴിൽ നിൽക്കുകയോ, മൊബൈൽ ഫോണിൽ സംസാരിക്കുകയോ ചെയ്യരുത്. മൃഗങ്ങൾ ഏതെങ്കിലും വൈദ്യുത ലൈനിന് കീഴിൽ നിൽക്കാതിരിക്കാൻ ശ്രദ്ധിക്കണം.ലൈനുകളിൽ സ്പാർക്ക് ഉണ്ടായാൽ ഉടൻ വൈദ്യുത വകുപ്പിന് റിപ്പോർട്ട് ചെയ്യുക.

F. വാഹനങ്ങൾ വൈദ്യുത തൂണുകൾ, വൈദ്യുതി ലൈനുകൾ, മരങ്ങൾ എന്നിവയുടെ അടിയിൽ പാർക്ക് ചെയ്താൽ, കൊടുങ്കാറ്റിന് തൂണുകളും മരങ്ങളും പിഴുതെറിയാനും വാഹനങ്ങൾക്ക് കേടുപാടുകൾ വരുത്താനും കഴിയും. അതിനാൽ വാഹനങ്ങളുടെ പാർക്കിംഗ്, ഡ്രൈവിംഗ് തുടങ്ങിയവ അവിടെ ചെയ്യാതിരിക്കുക.

G. മഴക്കാലത്ത് വൈദ്യുതി വിതരണം അനിശ്ചിതമായി തടസ്സപ്പെടാം. അതിനാൽ വിളക്കുകൾ, മെഴുകുതിരികൾ, ടോർച്ചുകൾ, റാന്തല്‍ വിളക്കുകൾ തുടങ്ങിയവ വീട്ടിൽ സൂക്ഷിക്കണം.

H. വീടിന്‍റെ ജനലുകളും വാതിലുകളും ശരിയായി അടച്ചുറപ്പുള്ളതാണെന്ന് ഉറപ്പാക്കുക. അല്ലാത്തപക്ഷം അവ നന്നാക്കണം.

I. ഭരണകൂടവും കാലാവസ്ഥാ വകുപ്പും സമയാസമയങ്ങളിൽ നൽകുന്ന നിർദ്ദേശങ്ങൾ പാലിക്കുക. അവ അവഗണിക്കരുത്.

2. കൊടുങ്കാറ്റ് മുന്നറിയിപ്പ് മുൻ‌കൂട്ടി
ലഭിക്കുകയാണെങ്കിൽ സ്വീകരിക്കേണ്ട നടപടികൾ

A.  ഭാരം കുറഞ്ഞ വസ്തുക്കൾ വീടിന്‍റെ മുറ്റം, വരാന്ത, മേൽക്കൂര അല്ലെങ്കിൽ ബാൽക്കണിയിൽ കിടക്കുകയാണെങ്കിൽ, അത് ഉടനടി അകത്തേക്ക് കൊണ്ടുവരികയോ ശരിയായി ബന്ധിക്കുകയോ വേണം.

B.  മൃഗങ്ങളെ സുരക്ഷിതമായ സ്ഥലത്തേക്ക് മാറ്റുക.

C.  വെള്ളവും ലഘുഭക്ഷണവും വീട്ടിൽ സൂക്ഷിക്കണം.

D. കാറ്റിന്‍റെ വേഗത വർദ്ധിക്കുന്നതായി ശ്രദ്ധയിൽപ്പെട്ടാൽ, അടുക്കളയിലെയും പ്രധാന വാൽവിലെയും ഗ്യാസ് കണക്ഷനുകൾ ഓഫ് ചെയ്യണം. കൊടുങ്കാറ്റ് അവസാനിക്കുന്നതുവരെ ഇത് തുറക്കരുത്.

3. കൊടുങ്കാറ്റിന്‍റെ സമയത്ത് നിങ്ങൾ
വീട്ടിലുണ്ടെങ്കിൽ സ്വീകരിക്കേണ്ട നടപടികൾ

A. വീട്ടിൽ നിന്ന് പുറത്തു പോകരുത്. ബാൽക്കണിയിലേക്കും ടിൻ ഷെഡുകളിലേക്കും പോകരുത്. അടുത്തുള്ള വീടുകളുടെ മേൽക്കൂരകളും വസ്തുക്കളും കാറ്റിൽ പറന്നു വന്ന് നിങ്ങളെ പരുക്കേല്‍പ്പിക്കും.

B. വീടിന്‍റെ ജനലുകളും വാതിലുകളും ശരിയായി അടയ്ക്കണം. കാറ്റിന്‍റെ വേഗത കാരണം വാതിലുകൾ തനിയെ തുറക്കുന്നത് തടയാൻ, ഭാരമുള്ള വസ്തുക്കൾ വാതിലിനടുത്ത് അകത്ത് നിന്ന് സ്ഥാപിക്കാം.

C. വിൻഡോ ഗ്ലാസ് തകരുകയും പരിക്കലേക്ക് സംഭവിക്കുകയും ചെയ്യും. അതിനാൽ, ജാലകങ്ങൾക്കരികിൽ നിൽക്കുക, ഉറങ്ങുക തുടങ്ങിയവ ഒഴിവാക്കുക.

D. വൈദ്യുതി വിതരണം വിച്ഛേദിക്കുന്നതിന് പ്രധാന സ്വിച്ച് ഓഫ് ചെയ്യുക. ടിവി സെറ്റുകൾ, മിക്സറുകൾ മുതലായ ഇലക്ട്രിക്കൽ ഉപകരണങ്ങളുടെ പ്ലഗുകൾ സോക്കറ്റുകളിൽ നിന്ന് നീക്കംചെയ്യുക

E. എലിവേറ്ററുകൾ, എയർകണ്ടീഷണറുകൾ, ഹെയർ ഡ്രയർ തുടങ്ങിയവ ഈ സമയത്ത് ഉപയോഗിക്കരുത്. റഫ്രിജറേറ്ററിൽ സ്പർശിക്കുന്നത് ഒഴിവാക്കുക.

F. ചിലപ്പോൾ അടിയന്തിരാവസ്ഥയിൽ എല്ലായിടത്തും കിംവദന്തികൾ പ്രചരിക്കുന്നു. അതിനാൽ അവരെ വിശ്വസിക്കരുത്. സർക്കാർ ഔദ്യോഗികമായി പ്രചരിപ്പിച്ച വിവരങ്ങൾ ശരിയാണെന്ന് കണക്കാക്കണം.

4. വീടിന് പുറത്താണെങ്കിൽ സ്വീകരിക്കേണ്ട മുൻകരുതലുകൾ

A. കൊടുങ്കാറ്റ് അവസാനിക്കുന്നതുവരെ തുടരാൻ സുരക്ഷിതമായ സ്ഥലം കണ്ടെത്തുക. ധാരാളം മരങ്ങൾ, വൈദ്യുത തൂണുകൾ മുതലായ സ്ഥലങ്ങൾ സുരക്ഷിതമല്ലെന്ന് പറയപ്പെടുന്നു. മരങ്ങൾക്കടിയിലോ വൈദ്യുത തൂണുകളുടെ സമീപത്തോ നിൽക്കരുത്.

B. വാഹനങ്ങൾ മരങ്ങളിൽ നിന്നും വൈദ്യുത തൂണുകളിൽ നിന്നും അകലെ സുരക്ഷിതമായ സ്ഥലത്ത് പാർക്ക് ചെയ്യണം. ഫോ൪ വീലറുകളുടെ വാതിലുകളും ജനലുകളും ശരിയായി അടച്ചിട്ടുണ്ടെന്ന് ഉറപ്പാക്കുക. കനമുള്ള കല്ലുകൾ അവയുടെ ചക്രങ്ങൾക്കടിയിൽ വയ്ക്കുക, കാരണം കാറ്റ്  മൂലം വാഹനങ്ങൾ അകന്നുപോകാൻ സാധ്യതയുണ്ട്.

C. റോഡുകളിൽ കിടക്കുന്ന മരങ്ങളും കുറ്റിക്കാടുകളും തൊടുന്നത് ഒഴിവാക്കുക. വൈദ്യുതി ലൈനുകൾ ഇവയിൽ പതിച്ചിരിക്കാനുള്ള സാധ്യതയുണ്ട്.

D. മഴയുണ്ടെങ്കിൽ വൈദ്യുത തൂണിൽ തൊടരുത്. കാരണം ഈർപ്പം ഒരു വൈദ്യുത ആഘാതത്തിലേക്ക് നയിക്കും.

5. കൊടുങ്കാറ്റ് ശമിച്ചുകഴിഞ്ഞാൽ ചെയ്യേണ്ട കാര്യങ്ങൾ

A.  കാലാവസ്ഥ സാധാരണമാകുന്നതുവരെ വീട്ടിൽനിന്നും പുറത്തിറങ്ങരുത്.

B. നിങ്ങളുടെ പ്രദേശത്തെ മരങ്ങൾ തൊടുന്നത് ഒഴിവാക്കുക. ചിലപ്പോൾ കൊടുങ്കാറ്റും മഴയും കാരണം വൈദ്യുതി ലൈനുകൾ മരങ്ങളിലേക്ക് വീണു കിടക്കുകയോ അല്ലെങ്കിൽ മരങ്ങൾ കടപുഴകി നിൽക്കുകയോ ആയിരിക്കാം. ഇവ അഗ്നിശമന വകുപ്പിനും വൈദ്യുതി വകുപ്പിനും റിപ്പോർട്ട് ചെയ്യുക.

C. അടുക്കളയിലെ ഗ്യാസ് സിലിണ്ടറിൽ നിന്ന് വാതക ചോർച്ചയുണ്ടായാൽ, നിലവിൽ പ്രവർത്തിച്ചുകൊണ്ടിരിക്കുന്ന വൈദ്യുതി ഉപകരണങ്ങൾ ഓഫ് ചെയ്യാനോ, മറ്റു ഉപകരണങ്ങൾ ഓൺ ചെയ്യാനോ ശ്രമിക്കരുത്. എന്നാൽ സിലിണ്ടറിന്‍റെ പ്രധാന സ്വിച്ച് ഓഫ് ചെയ്യുക. ജനാലകളും വാതിലുകളും തുറന്നിട്ട് വായു സഞ്ചാരം ഉണ്ടാക്കുക. സിലിണ്ടർ തുറന്ന സ്ഥലത്ത് (ഉദാഹരണത്തിന്, ബാൽക്കണിയിൽ) കൊണ്ടു പോയി വയ്ക്കുക.

D. വാഹനങ്ങൾ, ഇലക്ട്രിക്കൽ ഉപകരണങ്ങൾ, വീട്ടുപകരണങ്ങൾ എന്നിവ പുതിയതും ഇൻഷ്വർ ചെയ്തതുമാണെങ്കിൽ പ്രകൃതിദുരന്തം മൂലമുണ്ടായ നാശനഷ്ടങ്ങൾക്ക് നഷ്ടപരിഹാരം ലഭിക്കുവാനായി, ഒരു ഇൻഷുറൻസ് ഏജന്റിന്‍റെ മാർഗ്ഗനിർദ്ദേശം തേടണം. കേടായ വസ്തുക്കൾ നീക്കം ചെയ്യുന്നതിന് മുമ്പ്, അവ ആദ്യം ഫോട്ടോയെടുക്കുകയും അവയുടെ പഞ്ചനാമ (പഞ്ചായത്തിലെ അംഗങ്ങളുടെ തീരുമാനം രേഖപ്പെടുത്തുക) നടത്തുകയും വേണം.

പ്രകൃതിക്ഷോഭമുണ്ടായാൽ, ദേശീയ ദുരന്ത നിവാരണ അതോറിറ്റിയുടെ ഹെൽപ്പ്ലൈൻ നമ്പർ 011-1078 എന്ന നമ്പറിൽ വിളിച്ചൽ സഹായം ലഭിക്കും.

പ്രതിസന്ധി ഘട്ടങ്ങളിൽ മനോവീര്യം നിലനിർത്തുന്നതിന്
ആത്മീയ പരിശീലനത്തിന് പകരം മറ്റൊന്നും ഇല്ല!

ഇന്ന് എല്ലാ മേഖലകളിലും ശാസ്ത്രം എത്രമാത്രം പുരോഗമിച്ചുവെങ്കിലും, കൊടുങ്കാറ്റ് പോലുള്ള പ്രകൃതിദുരന്തങ്ങൾ തടയുന്നത് മനുഷ്യന്‍റെ കഴിവിന് അതീതമാണ്. അത്തരം സന്ദർഭങ്ങളിൽ, നമ്മുടെ മനസ്സിനെ സുസ്ഥിരമാക്കുകയും ശാന്തമായി ഇരിക്കുകയും ചെയ്യേണ്ടത് നമ്മളുടെ ആവശ്യമാണ്. ഇതിനായി, ദൈനംദിന ജീവിതത്തിൽ ആത്മീയ പരിശീലനം നടത്താൻ ശ്രമിക്കേണ്ടത് അത്യാവശ്യമാണ്.

ആത്മീയ പരിശീലനം പ്രയാസകരമായ സാഹചര്യങ്ങളെ ധൈര്യത്തോടും സന്തോഷത്തോടും നേരിടാൻ സഹായിക്കുന്നു. പ്രതികൂല സമയങ്ങൾക്കായി കാത്തിരിക്കുന്നതിനുപകരം ഇപ്പോൾ മുതൽ നിങ്ങളുടെ ആത്മീയ പരിശീലനം ആരംഭിക്കുക, എന്ന് എല്ലാ വായനക്കാരോടും അഭ്യ൪ഥിക്കുന്നു. സാധന ചെയ്താൽ ആത്മീയ ഊർജ്ജം ലഭിക്കുമെന്ന് ഉറപ്പാണ്!

വായനക്കാരോട് ഉള്ള അഭ്യർത്ഥന !

ഈ വിഷയത്തെക്കുറിച്ചുള്ള നിങ്ങൾക്കുള്ള അറിവും നി൪ദ്ദേശങ്ങളും ഞങ്ങൾക്ക് അയച്ചു തരികയാണെങ്കിൽ സമൂഹത്തിൽ ഇത് കുറച്ചു കൂടി വിശദമായി അവതരിപ്പിക്കാൻ സാധിക്കും.

ഇ-മെയിൽ : [email protected]

തപാൽ വിലാസം : ശ്രീമതി ഭാഗ്യശ്രീ സാവന്ത്, ‘സനാതൻ ആശ്രമം’, 24 / ബി, രാംനാഥി, ബന്ദോറ, പോണ്ട, ഗോവ – 403 401.

പ്രതികൂല സമയങ്ങളിൽ എങ്ങനെ അതിജീവിക്കാം എന്നതിനെക്കുറിച്ചുള്ള മാർഗ്ഗനിർദ്ദേശം സനാതൻ സംസ്ഥ നൽകുന്നു !

സന്ദ൪ഭം :  സനാതൻ പ്രഭാത് ദിനപത്രം